web counter
LEXO PA REKLAMA!

SHKARKO APP

App Store
Google Play

E fundit!

x

Patronazhistët/ Tabaku: Janë formë e re spiunimi, partia shtet kontrollon gjithçka

31 Maj 2021, 13:52, Politikë CNA

Deputetja e zgjdhur e PD Jorida Tabaku i ka cilësuar patronazhistët si një sigurim të ri.

Tabaku ka postuar një artikull të medias franceze, ku shkruan se kanë ndërkombëtarizuar edhe më shumë realitetin e partisë shtet në Shqipëri.

Sipas saj, partia shtet ka ndërtuar një skemë vertikale ku njeh dhe kontrollon gjithçka për qytetarët duke theksuar se kjo është një formë e re spiunimi.

Postimi i Jorida Tabakut

Patronazhistët janë Sigurimi i ri

Kush ka takuar votues dhe demokratë përgjatë fushatës dhe pas saj e ka të qartë se skema e patronazhistëve, një formë moderne spiunimi, ka ndodhur dhe ka prekur jetët tona.

Atë shkruan edhe Le Figaro duke e ndërkombëtarizuar edhe më shumë realitetin e partisë shtet në Shqipëri. Një realitet që nuk duhet mohuar nga demokratët dhe për të cilin nuk duhet rreshtur së foluri në publik, në garë dhe në çdo mbledhje apo takim partie.

E vërteta është se partia shtet ka ndërtuar një skemë vertikale ku njeh dhe kontrollon gjithçka për qytetarët. Për këtë duhet të flasim sot mbi të gjitha ne deputetët që kemi dëgjuar dhjetra histori se si spiunët e rinj ndërhyjnë në jetët e tjetrit për t?i blerë apo influencuar votën.

Askush nuk mund ta mohojë dhe as të relativizojë të vërtetën, sidomos ne që kemi vuajtur nga një represion i llahtarshëm i patronazhistëve të diktaturës komuniste./ CNA.al





Lajmet e fundit nga