E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

Janë kapur në shkelje/ Ja sa raste i ka referuar Prokuroria e Përgjithshme për hetim ILD-së

27 Maj 2021, 14:14, Aktualitet CNA

Lufta kundër korrupsionit dhe krimit të organizuar duket se është në qendër të vëmendjes nga ana e organeve të drejtësisë. Prokuroria e Përgjithshme ka intensifikuar bashkëpunimet me institucionet e tjera përgjegjëse, ndërsa ka bërë edhe një bilanc të magjistratëve nën hetim.

Prokuroria ka nxjerrë raportin ?Mbi ecurinë e veprimtarisë së prokurorive të juridiksionit të përgjithshëm për vitin 2020?, ku theksohet se ka bashkëpunuar ngushtë me SPAK dhe ILD.

Në raport theksohet se: ?Bashkëpunimi e koordinimi ndërmjet prokurorive të juridiksionit të përgjithshëm dhe Prokurorisë së Posaçme (SPAK) është i një rëndësie thelbësore për goditjen e krimit të organizuar dhe identifikimin e vënien përpara përgjegjësisë të çdo bashkëpunëtori në veprimtarinë kriminale. Akti i Koordinimit Institucional, i nënshkruar në datë 15.12.2020, ndërmjet Prokurorisë së Përgjithshme dhe SPAK-ut, vlerësojmë se do të ndihmojë në bashkërendimin dhe unifikimin e disa veprimtarive administrative dhe procedurale ndërinstitucionale, duke respektuar veçoritë dhe kompetencat institucionale të parashikuara në ligj?.

Po ashtu, Prokuroria ka dërguar për referim në ILD edhe rastin e një magjistrati, pasi i janë konstatuar shkelje dhe është kërkuar nga ky institucion hetim më i thelluar.

?Bashkëpunimi me ILD në procesin disiplinor dhe inspektimin e prokurorive është i një rëndësie të veçantë, për realizimin e funksioneve dhe përgjegjësive kushtetuese e ligjore, bazuar në parimet e pavarësisë, llogaridhënies, transparencës dhe të efiçencës së sistemit të drejtësisë.

Me krijimin dhe fillimin e funksionimit të institucionit të Inspektorit të Lartë të Drejtësisë, në Shkurt 2020, në zbatim të nenit 283 e vijues të ligjit nr.115/2016 ?Për organet e qeverisjes së drejtësisë? dhe urdhërit të Prokurorit të Përgjithshëm nr.40, datë 07.02.2020 ?Për kalimin e ankesave dhe akteve disiplinore Inspektorit të Lartë të Drejtësisë?, Prokuroria e Përgjithshme i ka dërguar Inspektoriatit të Lartë të Drejtësisë për kompetencë 52 praktika lidhur me ankesa dhe/ose materiale në proces verifikimi dhe hetimi disiplinor. Për vitin 2020, në 1 rast, për shkeljet e konstatuara të një magjistrati/prokuror është përgatitur materiali dhe i është kaluar për inicim të procesit të inspektimit, Zyrës së Inspektoriatit të Lartë të Drejtësisë.

Vullneti i të dy institucioneve për të ngritur më tej këtë bashkëpunim dhe për të vendosur kontakte të drejtëpërdrejta për shkëmbimin e informacionit është objekt i marrëveshjes së bashkëpunimit të nënshkruar në datë 05.02.2021. Në vitin 2021 është kërkuar hetimi disiplinor i tre prokuroëve dhe një drejtuesi prokurorie si dhe inspektimi tematik i 8 prokurorive?, thuhet në raport./CNA.al