web counter
LEXO PA REKLAMA!

SHKARKO APP

App Store
Google Play

Familjarët ishin duke fjetur/ Zjarri shkrumbon banesën, lëndohet një zjarrfikës  

27 Maj 2021, 12:51, Kronika CNA

Një banesë dykatëshe në Ishull Lezhë, është shkrumbuar pothuajse plotësisht rreth mesdites së sotme.

Policia bën të ditur se flakët janë shfaqur fillimisht në një magazinë ngjitur me objektin dykatësh në pronësi të R.C.

Më pas zjarri është përhapur me shpejtësi duke arritur në katin e dytë të banesës.

Në momentin e rënies së zjarrit familjarët kanë qenë duke fjetur.

Pasi nuk kanë parë asnjë reagim të pronarëve të shtëpisë, komshinjtë e tyre kanë dhënë alarmin dhe kjo ka sjellë zgjimin e personave që ndodheshin në shtëpi, por pa pasur mundësi për të ndërhyrë duke dalë menjëherë jashtë saj.

Shërbimet zjarrfikëse kanë mbërritur shpejt në vendngjarje duke ndërhyre për të penguar përhapjen e flakëve tek të tjera banesa që ndodheshin pranë saj.

Duke parë situatën dhe frikën e përfshirjes së banesave të tjera nga flakët, në ndihmë të tyre kanë shkuar edhe zjarrfikësit e portit të Shëngjinit.

Gjatë punës për shuarjen e flakëve, njëri nga zjarrfikëset ka marrë disa dëmtime pasi ra në tokë si pasojë e asfiksisë. Në këtë moment i kanë ardhur në ndihmë kolegët dhe është nisur menjëherë drejt spitalit dhe ndodhet jashtë rrezikut për jetën.

Ende nuk dihen të tjera detaje, ndërsa grupi hetimor po punon për zbardhjen e shkaqeve të zjarrit.





Lajmet e fundit nga