E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Europa ul siparin, luhet titullin në Francë dhe zonën Champions në Itali e Angli

23 Maj 2021, 08:46, Sport CNA

Do të jetë një e dielë magjike në ekranin e Supersport, e fundit në këtë sezon e pasur me sfida interesante dhe intriguese. Serie A, Premier League dhe Ligue 1 ulin sot siparin e sezonit 2020-2021 ku ka ende shumë verdikte për të zgjidhur.

Në Serie A ditën do të hapë Interi që pasi të përfundojë sfidën me Udinesen do të ngrejë lart titullin e 19-të kampion në histori në praninë e 1000 tifozëve në San Siro.

Mbrëmja do të jetë akoma më interesante pasi do të përcaktohen 2 biletat e fundit për në grupet e Champions League për sezonin e ardhshëm, me Milanin që do të sfidojë në Bergamo Atalantën ndërkohë që Juventusi do të udhëtojë në Bologna për t?u përballur me skuadrën e Mihajlovic. Ndeshje më të lehtë në letër ka Napoli që pret në shtëpi Veronën.

Në rast fitoresh nga ana e Milanit dhe Napolit skuadra e Pirlos do të mbetej jashtë Champions por kuqezinjtë nuk do ta kenë të thjeshtë përballë Atalantës që nga ana e saj kërkon ta mbyllë sezonin në vendin e dytë, prandaj shpresat për Juven janë të mëdha.

Në Angli gjithashtu do t?i dorëzohet titulli Manchester City-t në përfundim të sfidës ndaj Evertonit që do të luhet në orën 17:00.

Vëmendja më e madhe edhe në Premier League do të jetë te gara ku ashtu si në Itali, luftojnë tre skuadra për 2 vende me Chelsea që do të sfidojë Aston Villan në transfertë, ndërkohë që Liverpool pret Crystal Palace në Anfield ndërkohë që Leicester luan po në shtëpi ndaj Tottenham.

Në mbrëmje do të zgjidhet edhe çështja e titullit kampion në France, me Lille që luan në transfertë dhe ka nevojë për tre pikët për të kurorëzuar me sukses një sezon të jashtëzakonshëm ndërkohë që PSG që pret një hap fals të rivalëve do të sfidojë Brest po në transfertë.