web counter
LEXO PA REKLAMA!

SHKARKO APP

App Store
Google Play

Memelli në delir: Ky Skënderbe është i jashtëzakonshëm

20 Maj 2021, 10:27, Sport CNA

Skënderbeu ka mundësinë e artë ditën e nesërme për të siguruar edhe matematikisht mbijetesën në Kategorinë Superiore për sezonin e ardhshëm, teksa në Korçë presin skuadrën e Kukësit. Në prag të kësaj sfide, para mediave ka folur tekniku i bardhekuqve, Migen Memelli, i cili është shprehur se përballë kanë një skuadër me shumë cilësi, por shton më tej se ekipi i tij futet në fushë për të marrë maksimumin e pikëve.

?Sigurisht që pas fitores së fundit jam më i qetë. Nëse shikojmë kaldnadrin, dy rivalët tanë përplasen mes tyre. Mendja është vetëm te ndeshja e nesërme me Kukësin. Do të bëjmë gjithçka për të marrë 3 pikët. Kukësi është një skuadër që ka jashtëzakonisht cilësi brenda, sidomos te mesi i fushës e sipër. Ka lojtarë mjaft cilësorë për kampionatin tonë. Gjërat vështirësohen, por jemi përgatitur për këtë ndeshje dhe mendoj se do bëjmë shumë mirë. Skuadra është me impenjimin e duhur, ka intensitetin e duhur. Siguria e pikëve është, por na kërkohet të fitojmë këtë ndeshje dhe të largohemi nga zona e ?play-out?. Maturia vjen kur vijnë edhe rezultatet.

Edhe në të kundërt, qetësia që duhet të na karakterizojë në ndeshje të tilla është determinante. Nuk kam dyshime, skuadra jonë ka cilësi brenda. Kur këto cilësi shkrihen me grupin, forca e kësaj skuadre është e jashtëzakonshme.

Ne kemi kaluar skuadra shumë të forta, në dy fazat e fundit që jam këtu. Kemi fituar me Kukësin dhe Partizanin në Elbasan, me Shkodrën kemi dalë barazim. Jemi finalistët e Kupës. Nisur nga ky fakt, lojtarët janë koshientë që mundësitë dhe forcat që ka skuadra janë të jashtëzakonshme. Do të luajmë për të bërë më të mirën, duke pasur respekt për kundërshtarin dhe cilësitë që ka, por duke respektuar edhe veten, duke vlerësuar vetën dhe atë që kemi bërë. Do të hyjmë në fushë për të fituar.

Rikthimet? Skuadra është e plotë. Motoja që udhëheq klubin dhe mendimi që kam unë për futbollin është që të gjithë janë të rëndësishëm dhe askush nuk është i pazëvendësueshëm.?, tha Memelli.





Lajmet e fundit nga