E fundit!

19:55 Aktualitet

“Protestat e kanë goditur qeverinë”/ Kikia: Ministrat dhe deputetët nuk ecin të lirë në rrugë

Gazetari dhe analisti Mentor Kikia ka folur ditën e sotme ...

Miti i të “paprekshmëve”/ Metani: Ligji do zbatohet për të gjithë njëlloj, askush nuk është imun

18 Maj 2021, 20:06, Aktualitet CNA

Inspektori i Lartë i Drejtësisë Artur Metani ka bërë një rezyme mbi punën 15 mujore të institucionit që drejton.

I ftuar në Top News, Metani është pyetur për shkarkimet e magjistratëve në këto muaj punë me kërkesë të Inspektorit të Lartë të Drejtësisë, ku tha se ky nuk është synimi i institucionit.

?Synimi i këtij institucioni është të ndihmojë mesa mundet që sistemi gjyqësor, sistemi i drejtësisë të performojë sa më mirë, në shërbim të interesave të qytetarëve. Dhe këtë ndihmë sistemit të drejtësisë ia jep edhe nëpërmjet inspektimeve individuale, nëpërmjet procedimeve për gjyqtarë të caktuar, por edhe nëpërmjet inspektimeve tematike.

Ky është mjeti kryesor i punës së Inspektorit të Lartë të Drejtësisë, inspektimet tematike, që do të thotë, zgjidhja e problematikave që sistemi ka sot dhe për këtë arsye unë them, që nuk është qëllim në vetvete masa disiplinore ndaj gjyqtarit, por është gjetja e së drejtës. Pra edhe mbrojtja e interesit qytetar nga njëra anë, por edhe mbrojtja e pavarësisë së gjyqtarëve dhe prokurorëve nga ana tjetër.?

Por pavarësia shkon bashkë me përgjegjësinë, nënvizoi Metani dhe përpara ligjit, sa i takon Inspektorit të Lartë të Drejtësisë askush nuk është i paprekshëm.

?Asnjë nuk është i garantuar nga askush. Ligji do zbatohet për të gjithë njëlloj, nga më i madhi tek më i vogli, përfshi edhe mua. Të gjithë jemi në një mekanizëm pune e vendimmarrjeje, por edhe kontrolli e monitorimi nga ligji dhe nga organet, që janë caktuar për të kontrolluar punën e gjithkujt. Askush nuk është imun e nuk do jetë imun, për sa i takon kompetencave që unë kam.?

I pyetur nëse është e mundur që sot një gjyqtar a prokuror të mos ndikohet nga politika, Inspektori i Lartë i Drejtësisë tha se kjo sot është e garantuar nga legjislacioni i ri kushtetues për cdo institucion të drejtësisë.

?Kushtetuta dhe ligji sot nuk krijojnë asnjë mundësi që gjyqtarët dhe prokurorët të kenë një varësi nga cdo institucion politik, apo institucione të tjera, që mund t?u bëjnë presion gjyqtarëve e prokurorëve në vendimmarrjet e tyre. Kjo reformë për mua këtë ka sjellë të mirë, që ka krijuar një sistem efikas kundër mundësisë për ndërhyrje apo ndërhyrjeve që mund t?u bëhen gjyqtarëve e prokurorëve në punën e tyre. Kjo është e para. E dyta, ka lidhje me atë që ju thashë më sipër, që këtë pavarësi duhet ta ndiejmë të gjithë vetë. Duhet të ndihemi vetë të pavarur, që të na respektojnë të tjerët, si të pavarur së pari.?/CNA.al