web counter
LEXO PA REKLAMA!

SHKARKO APP

App Store
Google Play

Ndarja nga jeta/ Kush ishte Ahmet Golemi, legjenda e boksit që u dënua nga regjimi komunist

15 Maj 2021, 09:43, Sport CNA

U nda nga jeta mëngjesin e kësaj të shtune në moshën 85-vjeçare, një nga boksierët më të mirë shqiptarë, Ahmet Golemi.

Golemi mbante titullin ?Mjeshtër i Madh?, si një nga komentatorët më të mirë të boksit në vend. Ai lindi më 5 qershor të vitit 1936 në Tiranë, ku edhe jetoi, ndërsa është i njohur po ashtu edhe si shkrimtar.

Gjatë karrierës së tij në sportin e boksit, Golemi numëron 9 tituj, pesë herë kampion i vendit dhe katër herë nënkampion.

Ai e nisi boksin te Shtëpia e Pionierit, ku trajneri Ali Kastrati i veshi për herë të parë dorezat e boksit. Në vitin 1951, në Elbasan Golemi u shpall kampion kombëtar për të rinjtë.

Më 7 maj të vitit 1979 Ahmeti u dënua me 5 vite heqje lirie për agjitacion e propagandë, pasi festoi fitoren e boksierit të famshëm, Muhamed Ali, legjenda e boksit shqiptar u dënua me burg sepse bleu një tortë 250-lekëshe për të festuar këtë fitore.

Në fillim të viteve ?70, regjimi komunist ndaloi boksin dhe për pasojë edhe adhurimin për legjendën amerikane të boksit.

Në vitet e demokracisë Golemi kujtohet për komentimin e ndeshjeve të boksit dhe zërin e tij kumbues, duke qenë padyshim komentatori më i mirë i boksit në vend.

Ahmet Golemi gjithashtu ka punuar për shumë vite në Supersport duke komentuar ndeshjet e boksit por edhe sporte të tjera.

Lajmin e ndarjes nga jeta të tij e bëri me dije djali i tij, nëpërmjet një postimi në Facebook, ku shkruan se boksieri i njohur mbylli sytë përgjithmonë mëngjesin e sotëm.

?Miq dhe dashamrës! Me hidhërim të thellë njoftoj ndarjen se sot u nda nga jeta babi im, Ahmet Golemi?, shkroi ai.





Lajmet e fundit nga