web counter
LEXO PA REKLAMA!

SHKARKO APP

E fundit!

x

KPA merr vendimin/ Shkarkohet kreu i Prokurorisë së Kavajës, Artan Madani

12 Maj 2021, 09:22, Aktualitet CNA

Kolegji i Posaçëm i apelit ka vendosur ditën e sotme ka vendosur shkarkimin nga detyra për drejtuesin të prokurorisë së Rrethit Gjyqësor Kavajë, Artan Madani.

Trupi gjykues i kryesuar nga Albana Shtylla u shpreh se nga shqyrtimi në Kolegj u konkludua se prokurori Madani kishte mungesë burimesh të ligjshme për apartamentin, garazhin, krijimin e gjendjes cash dhe të një fondi investimi. Ajo vijoi se Madani kishte kryer deklarim të pasaktë në deklaratën veting pasi nuk kishte pasqyruar përdorimin e një automjeti tip ?Ford?.

Madani i kundërshtoi gjatë gjithë seancave publike në KPA shkaqet e ngritura prej Komisionerit dhe në përfundim të konkluzioneve përfundimtare u shpreh se ishte i qetë, për shkak të sinqeritetit të tij.

Artan Madani u konfirmua në detyrë me shumicë votash nga Komisioni i Pavarur i Kualifikimit më 1 korrik 2019, por Komisioneri Publik Florian Ballhysa e ankimoi vendimin për kriterin e pasurisë dhe kërkoi shkarkimin e tij. Sipas Komisionerit, Madani nuk justifikonte burimet për blerjen e një apartamenti dhe një garazhi në vitin 2000 në qytetin e Durrësit, kursimet cash dhe një fond investimi./ CNA.al





Lajmet e fundit nga