E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

Koha kur Basha po tërheq zvarrë Berishën

3 Maj 2021, 09:43, Politikë CNA

Një javë pas humbjes në zgjedhje, ajo që pritet nga opinion publik është reagimi i Lulzim Bashës. A do japë dorëheqjen dhe do sillet si lider, duke njohur rezultatin apo do ngelet peng i karriges së kryetarit dhe për këtë do qëndrojë ne krye të PD, duke tërhequr zvarrë militantët dhe vetë Sali Berishën.

Sot PD ka nevojë të hapet, të ndryshojë dhe të bashkohet, jo të tërhiqet zvarrë për Lulzim Bashën. Sot ai është një emër që nuk i thotë më asgjë askujt.

5 gjërat që i dinim se i ka bërë Berisha, por që ai na thotë se i ka bërë Basha
PD pas 16 vitesh ka ngelur vetëm një ofertë Luli, Luli, Luli. A nuk është e turpshme për një parti që ka një histori 30 vjeçarë, nga oferta Sali Berisha ka ngelur tek oferta Luli po nga Sali Berisha.

Kjo nuk ka më asnjë kuptim jo vetëm politik por edhe për shqiptarët, prandaj dhe nuk sjell rritje dhe fitore. Në 2005 ofertë KOP-i ishte Luli, pastaj për qeverisje Luli ministër Transportesh, Luli ministër i Jashtëm, Luli ministër i Brendshëm, qeveria si mësimore për Lulin dhe ai në çdo ministri vraponte skandal pas skandali.

Më tej Luli kryetar Bashkie një katastrofë, pastaj Luli kryetar partie njëherë, humbës, përçarës i kompleksuar dhe i vogël. Pastaj sërish Luli kryetar partie duhet shansi i dytë e kemi kandidat për

Kryeministër dhe sot sërish Luli, ai do jetë oferta e PD nesër?

A nuk është e turpshme që sot PD të mos ketë emra që mund të garojnë vërtet, të bashkohet të jetë e hapur. E vërteta e kësaj gjendje politike fillon në 22 korrik 2013, dhe mungesa e zgjedhjeve dhe garës në PD. Në ato zgjedhje ka një emër dhe përgjegjës, atë masakër brenda PD e shkaktoi Sali Berisha dhe jo Lulzim Basha. Luli thjesht bleu vota me para e vende pune në bashki. Basha e humbi atë garë, por Berisha e përçau PD, për të bërë Lulin kryetar.

Herën e dytë Luli e bëri vetë nuk i duhej Doktori, mjaftoi që Berisha ta mbronte publikisht, dhe tani po tërhiqet zvarrë për të mbajtur Lulin. Dhe ja ku jemi sot. Sërish Doktori po e mbështet dhe po e mban kryetar. Po po, Doktori ka projekt Lulin, që shpalli fitoren të dielë, të hënë tha janë kutitë e PS-së se po i zgjedh Rama, të martën tha m?i vodhën e blenë votat.

Po sytë e partinë ku i kishte Luli?

Si mund të ecet përpara apo të rritesh duke akuzuar demokratët dhe shqiptarët se u shitën, po pse nuk i bindi Basha dhe oferta e opozitës të mos shitëshin?

Pse nuk bëri një mal me vota që as blerja dhe as shitja të mos e përmbysnin fitoren që në fakt nuk ka ndodhur kurrë. Thjesht justifikime për të tërhequr zvarrë PD dhe demokratët për Lulin, por po hiqet zvarrë dhe vetë Sali Berisha për një njeri që duhet të ikë.

E në rast se do vazhdohet më këtë frymë e sjellje, qytetarët nuk janë pa sy e pa veshë, por shohin degjojnë dhe analizojnë, me këtë sjellje me panik e kërcënime, me fitoret që për 24 orë kthehen në humbje. Dikush po eksperimenton duke bërë gjithmonë të njëjtën gjë me të njëtin person dhe te pret rezultate te ndryshme. Shqiptarët e kanë kuptuar, tani duhet ta kuptojë edhe ai që po bën eksperimentin e radhës.

Në fund Lulzim Basha dhe Sali Berisha, i pari me qënien si instrument i pavlerë tashmë në dorë të dikujt tjetër, dhe I dyti duke tentuar ta shesë si produkt të ri kur ai mall ka skaduar, thjesht po i sigurojnë që sot Edi Ramës mandatin e 4-ët./CNA.al