web counter
LEXO PA REKLAMA!

SHKARKO APP

E fundit!

x

Covid-19 i merr jetën gjyqtarit të njohur shqiptar

2 Maj 2021, 20:08, Sociale CNA

Koronavirusi i ka marrë jetën gjyqtarit të njohur Durim Kadiu.

Ai ishte i shtruar prej disa jashësh në spital, por nuk ka mundur ta fitojë betejën me virusin vdekjeprurës duke ndërruar jetë.

Lajmin e trishtë e ka bërë me dije ish-drejtori i Arkivit në Ministrinë e Brendshme, historiani Kastriot Dervishi.

Përmes një postimi në rrjetet sociale, ai shpreh ngushëllimet për humjen e parakohëshme të mikut të tij.

“Për njeriun e mirë Durim Kadiu

E pabesueshme! Miku im i mirë, Durim Kadiu nuk jeton më. Sëmundja e mallkuar covid 19, e cila e sfiliti për disa javë, i mori jetën. Nuk do kemi më midis nesh njeriun fisnik, gjyqtarin dhe familjarin shembullor.

Njeri i ligjit nga viti 1994, gjyqtar, kryetar i Gjykatës së Kavajës, drejtor i kabinetit të kryetarit të Gjykatës Kushtetuese dhe ndihmësgjyqtar i Gjykatës së Lartë, Durimi la kudo emrin e një njeriu të mirë dhe profesionisti të përkushtuar. Ngushëllime për nënën e tij, bashkëshorten dhe vajzat. Shpirti i tij pushoftë në paqe në amshim!”, shkruan ai. /CNA.al





Lajmet e fundit nga