web counter
LEXO PA REKLAMA!

SHKARKO APP

App Store
Google Play

Shpërndarja e 13,7 milionë $ për familjet e dëmtuara nga tërmeti/ Bashkia e Durrësit: Procesi nisi që në janar 2020

1 Maj 2021, 15:35, Aktualitet CNA

Bashkia e Durrësit ka reaguar ditën e sotme për lajmet e qarkulluara në media  në lidhje me financimet që janë bërë para 25 prillit, ku ky institucion ka shpërndarë 13,7 milionë $ për 4294 familje me banesa të dëmtuara nga tërmeti.

Në reagimin e Bashkisë thuhet se procesi i shpërndarjes së grantit për rikonstruksion ka nisur që në fillim të vitit 2020 dhe është kryer sipas të gjitha procedurave të përcaktuara me VKM si dhe të miratuara në këshillin bashkiak me transparencë të plotë.

Reagimi i Bashkisë

?Nëpër medie të ndryshme është përhapur një lajm sipas të cilit Bashkia e Durrësit ka shpërndarë grantin e rikonstruksionit për familjet e prekura nga tërmeti, në muajt mars dhe prill dhe se këto paskan qenë lekë për vota, pra pretendohet që procedurat e ligjshme të procesit të rindërtimit mund të ketë qenë ndikuese në procesin zgjedhor.

Bashkia e Durrësit kërkon të sqarojë opinionin publik se procesi i shpërndarjes së grantit për rikonstruksion ka nisur që në fillim të vitit 2020 dhe është kryer sipas të gjitha procedurave të përcaktuara me VKM si dhe të miratuara në këshillin bashkiak me transparencë të plotë, pasi këto vendime janë të publikuara të gjitha në faqen zyrtare të bashkisë, ndërkohë që procesi vijon edhe këtë vit?./ CNA.al





Lajmet e fundit nga