“Basha po shfrytëzon demokratët”/ Kulluri: Dje i kishte rreshtuar si shishe qumështi për të mbrojtur karrigen e tij

28 Prill 2021, 14:50, Politikë CNA

Ish-anëtari i Këshillit Kombëtar i PD-së, Edvin Kulluri është shprehur se gabimi më i madh i Bashës , është djegia e mandateve të deputetëve në vitin 2017, ndërsa shtoi se deklarata e tij e djeshme dëshmoi se ai do të mbajë karrigen e tij.

Më tej, Kulluri në një intervistë për FaxNews ironizoi daljen publike të Lulzim Bashës para selisë blu, duke u shprehur se ai i ka renditur demokratët si shishe qumështi për të mbajtur nën zotërim partinë.

?Nuk e di se ku hypën ky zotëria për tu sjellë si demokrat. Nuk e kuptova këtë. Nuk mundet zoti Basha të shfrytëzojë këta demokratë të shkretë që i kishte rreshtuar atje dje si shishe qumështi për të mbrojtur karrigen e tij. Sjellja e tij i ka dhënë kosto Partisë Demokratike.

U përdorën kandidatët si mish për tokë dolën hëngrën gaz e dru për atë dhe tani dikush duhet të mbajë përgjegjësi. Kryetari s?duhet të marrë vendime vetëm duhet të marrë këshillimi. Të shfrytëzosh emocionet e militantëve të partisë kundër arrogancës së Edi Ramës është lindore. Dje me deklaratën e tij kuptova që do të mbajë karrigen e tij.

Nëse demokratët nuk e kuptojnë këtë çështje i mbyllin derën partisë së tyre. Këtë letër sot e kam firmosur me këtë kusht. Nëse anëtarët e partisë demokratike duan të mbajnë këtë rrugë atëherë ky është problem ekzistencial do të thotë që PD-ja e ka mbyllur rrugën politike.?, u shpreh Kulluri.

Më tej, ai tha se Basha nuk mund të mbrojë familjen ku gjysma e anëtarëve janë me pikëpamje pro gay. Kulluri shprehet se janë me mijëra demokratë të zhgënjyer nga Basha.

?Ka grupe që janë të pa përfaqësuara nga PD-ja ose janë të keq përfaqësuara. Për shembull çështja e pronave, PD-ja kthehet te politika më e keqe dhe nuk ka bërë as detyrën morale. Kur ke gjysmën e anëtarëve me pikëpamje pro gay dhe të tjerëve pra si do e mbrosh ti familjen.

Ka aspekte ideologjike psh, si do ngremë ekonominë kombëtare, duhen parë klauzola se si do krijohen ekonomitë serioze. Ka llogaritarë plot, po ne kemi vetëm 1. E dini që PD-ja ka shkruar vetëm ligjin e dekriminalizmit. Deri para një dite krenoheshin për fitore kurse dje u strukën pas Lul Bashës.

Kështu do ecim para ne, kjo është demokracia perëndimore që bërtet Basha. Pse nuk u mblodh me grupin për të diskutuar. Si në janë 10-ra e mijëra demokratë që janë të zhgënjyer.

Nuk të them dot që ka një dashuri të madhe militantët për LSI-në. Nëse do të na detyronte vota të punonin me LSI-në s?kemi ca ti bëjmë se është detyrim.?, përfundoi Kulluri./CNA.al