web counter
LEXO PA REKLAMA!

SHKARKO APP

App Store
Google Play

E fundit!

x

Futbollisti shqiptar i rritur te Bayerni merr lajmin e keq

27 Prill 2021, 13:23, Sport CNA

Meritan Shabani, talenti i rritur në akademinë e Bajernit të Mynihut, dha dakordësinë e tij pak kohë më parë për të luajtur në të ardhmen me Shqipërinë. ?Panorama Sport? mësoi se mesfushori 22-vjeçar në pronësi të Uolverhemptonit i huazuar te Venlo në Holandë, ka pranuar ftesën e kuqezinjve dhe do të ishte pjesë e Kombëtares në dy miqësoret e muajit qershor.

Megjithatë mesfushorin shqiptar e ka ndjekur fati i keq, teksa së fundmi ka pësuar një dëmtim serioz, siç e thotë edhe vetë nëpërmjet një postimi në rrjetet sociale. ??Fatkeqësisht kam pësuar dëmtim serioz sërish, por shpresoj se do të kthehem më i fortë se kurrë?.

Nuk dihet ende shkalla e dëmtimit dhe për sa kohë do e mbajë jashtë, teksa të gjithë shpresojnë ta kalojë sa më shpejt dhe të ketë mundësinë të grumbullohet edhe me Shqipërinë.

Shabani, për nga cilësitë e tij, mund të luajë si mesfushor qendre si dhe si anësor i djathtë. Momentalisht, sipas ?transfermarkt?, vlera e tij është 325 mijë euro. Shabani është një futbollist me cilësi të larta teknike dhe për të ardhmen e Kombëtares do të ishte një afrim i rëndësishëm.





Lajmet e fundit nga