web counter
LEXO PA REKLAMA!

SHKARKO APP

App Store
Google Play

E pazakontë/ Futbollisti i Kukësit dëmtohet jashtë fushe: Preva këmbën me xham

23 Prill 2021, 06:38, Sport CNA

Mate Tsintsadze duket se e ka kaluar plotësisht incidentin që i ndodhi javën e kaluar, duke e lënë disa ditë pushim dhe për pasojë të mungonte në sfidën ndaj Tiranës. Gjithsesi, për Partizanin ai do të jetë gati, pasi prej dy ditësh është bashkuar me grupin dhe mbetet për t?u parë nëse Josa do ta preferojë apo jo.

Në intervistën e dhënë për ?Panorama Sport?, 26-vjeçari tregon momentin e dëmtimit, një incident nga pakujdesia. Sipas tij, Kukësi do të synojë maksimumin ndaj Partizanit, ashtu si edhe në të gjitha ndeshjet që kanë mbetur, ndërsa pohoi se futbolli shqiptar është shumë fizik dhe nuk është e lehtë të luash.

Si është gjendja juaj pas incidentit në këmbë?

Mund të them që është e mirë, pasi prej dy ditësh jam bashkuar me grupin dhe po kryej normalisht stërvitje.

Bëra disa ditë pushim pas incidentit, por kaq për fat të mirë jam në rregull tani. Jeni gati për Partizanin?

Po, po, jam gati. Tani është në dorën e trajnerit për ta vendosur nëse do të luaj apo jo dhe nëse do të kem mundësinë për minuta.

U çatë nga një mjet i mprehtë në këmbë, çfarë ndodhi saktësisht?

Jam dëmtuar në rrugë në fakt. Ka qenë mbrëmje dhe për shkak të errësirës nuk dukej mirë. Çava këmbën jashtë një dyqani lulesh, te xhamat. Por, shyqyr kaloi dhe tani jam gati.

Ndeshja e radhës me Partizanin, çfarë synoni?

Objektiv është vetëm fitorja, pavarësisht se ndaj kujt luajmë.  Në çdo ndeshje ne hyjmë për maksimumin dhe detyra jonë është që të luajmë gjithnjë për fitore deri në fund.

Si ju është dukur futbolli shqiptar?

Një gjë mund ta them, që po nuk qe mirë fizikisht është e vështirë të luash dot mirë dhe të fitosh. Në ekipin e Kukësit ka disa djem të talentuar që pa frikë mund të luajnë edhe në ligat më të mira.

Do ta vazhdoni karrierën te Kukësi pas këtij sezoni?

Unë kam një kontratë me klubin edhe për një vit dhe mund të them që për momentin po mendoj vetëm për këtë Kukësin.





Lajmet e fundit nga