web counter
LEXO PA REKLAMA!

SHKARKO APP

App Store
Google Play

E fundit!

x

Sulmi me thikë në Xhami/ Angelo Massafra shpreh solidaritetin e Kishës Katolike

19 Prill 2021, 18:15, Aktualitet CNA

Kryetari i Konferencës Ipeshkvore të Shqipërisë, Imzot Angelo Massafra, ka reaguar në lidhje me sulmin ndaj besimtarëve muslimanë që ndodhi pasditen e sotme në  Xhaminë ?Dine Hoxha? .

Me një mesazh drejtuar Komunitetit Mysliman, Angelo Massafra ka shprehur afërsinë dhe solidaritetin  e të gjithë Kishës katolike në Shqipëri.

 ?Shumë i Nderuar Zoti Bujar Spahiu

Kryetar i Komunitetit Mysliman të Shqipërisë,

Lajmi i sulmit me thikë nga një individ në xhaminë e Dine Hoxhës në Tiranë ku kanë mbetur të plagosur disa besimtarë myslimanë na ka tronditur të gjithëve.

Duke shpresuar që ngjarja të zbardhet sa më shpejt në të gjitha detajet e saj, ju shprehim juve, e nëpërmjet jush, të plagosurve e familjeve të tyre, afërsinë e solidaritetin e të gjithë Kishës katolike në Shqipëri.

I lutemi Zotit për ju të gjithë, që po jetoni edhe muajin e Ramazanit, për të plagosurit, për komunitetin tuaj e të gjithë shqiptarët që paqja dhe e mira të mbretërojë në zemrat tona e që ngjarje të tilla të mos përsëriten më.

Zoti na bekoftë të gjithëve!

Mons. Angelo Massafra o.f.m.

Kryetar i Konferencës Ipeshkvore të Shqipërisë?./CNA.al





Lajmet e fundit nga