E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Meta kërkon luftë civile/ Përgatit skenarë me njerëz të krimit

19 Prill 2021, 12:12, Politikë CNA

Presidenti Ilir Meta me çdo kusht, kërkon konflikt, përplasje, sherre.

Nga mënyra se si po reagon duket se ka të pamundur të konceptojë se shqiptarët duan zgjedhje të qeta dhe normale, pa kacafytje e luftra.

Meta ka zgjedhur Vlorën për ta kthyer në pikë të nxehtë, duke përhapur kështu panik edhe qytetarët, të cilët nuk dinë se çfarë do presin nga Meta ditën e zgjedhjeve. Ai kërcënon se nga Vlora do ua bëj si në ?97.

Presidencën po e përdor për fushatë, nga ku del herë si kreu i LSI ?së dhe herë si kreu i Opozitës, duke folur për vota, numërime dhe duke paralajmëruar, se do të publikojë fakte të rënda, kur ende nuk kanë ndodhur zgjedhjet.

Ai pretendon se po mbron Kushtetutën, ndërkohë e shkel atë në 24 orë në 24, duke u ?zhveshur? nga kostumi i Presidentit, dhe duke u bërë palë me partitë politike opozitare.

Nenet, 89, 92 dhe 94 të Kushtetutës, përcaktojnë qartë kompetencat dhe detyrat e Presidentit.

Por, në vend që të zbatojë këto nene, ai del, kërcënon, intimidon, shantazhon dhe ç?nuk thotë në konferenca për mediat.

I dalë jashtë binarësh me çdo kusht kërkon luftë dhe duket se po e përgatit shumë mirë terrenin.

Ai është fotografuar dhe filmuar në Gjirin e Lalzit, në takim me persona të inkriminuar, siç denoncoi gazeta Tema sot.

Në cilën pikë të Kushtetutës, qenka parashikuar takimi i Presidentit me persona, kontigjentë të krimit dhe që janë në kërkim nga drejtësia?

I maskuar dhe me kapuç në kokë, Presidenti po kërkon të marrë peng qytetarët shqiptarë, të mos i lërë ata që të marrin pjesë në zgjedhje qetësisht, por duke i intimiduar në mënyrë të tillë që të krijohet kaos.

Kaosi dhe rrëmujat janë në interes të Ilir Metës, të cilit dyshohet se drejtësia po i bën prangat gati, shkruan CNA.al.

Nuk ishte rastësishme sot edhe thirrja e ambasadores amerikane Yuri Kim, kundrejt institucioneve të drejtësisë, të dalin nga modeli i vjetër, pasi është koha për guxim.

Por, Metës nuk i dhimbset Kushtetuta, por vetja, ndaj po bën të pamundurën që këto zgjedhje t?i kthejë në luftë dhe të përhapë tmerr dhe panik tek qytetarët.

Ka kohë që nuk është më Meta i qetësisë dhe i dashurisë, por duke ndjerë nga larg tringëllimat e prangave, është shndërruar tjetër për tjetër.

Ngre zërin, bërtet, përplas tavolina, shpërfytyrohet, del jashtë kontrollit. Ky është i ashtuquajtur President, që po kërkon të çojë vendin në luftë civile, për të mos djegur veten.

Por, e gjithë Shqipëria e di kush është Ilir floriri dhe vendi s?mund të ketë trazira dhe rrëmujë për një hajdut që u pasurua në kurriz të shqiptarëve, i cili po fshihet nën petkun e pseudo-patriotit, kur në fakt është një hajdut me çizme dhe asgjë më shumë./CNA.al