web counter
LEXO PA REKLAMA!

SHKARKO APP

App Store
Google Play

Publikohen formacionet zyrtare të supersfidës, ja si rreshtohen Interi dhe Napoli

18 Prill 2021, 18:02, Sport CNA

Duke filluar nga ora 20:45 do të luhet super sfida Napoli-Inter, e vlefshme për javën e 31-të të Serisë A.  Sfida pritet të jetë e luftuar pasi të dyja ekipeve u duhet fitorja, teksa zikaltërit kërkojnë të vazhdojnë ecurinë pozitive në krye të kampionatit, ndërsa Napoli është në kërkim të një kualifikimi për në Champions sezonin tjetër.

Antonio Konte i ka kërkuar lojtarëve të tij të qëndrojnë me këmbë në tokë pasi sipas teknikut Italian asgjë nuk ka mbaruar ende sepse janë shumë pikë deri në përfundim të kampionatit. Padyshim një fitore e sotme ndaj një skuadre të fortë si Napoli do të ishte vendimtare për fatet e kampionatit, pasi kalendari i lehtë në vazhdim i zikaltërve e favorizon dukshëm ekipin e Kontes për të arritur te titulli kampion që mungon prej 10 vitesh.

Interi do të rreshtohet me formacionin 3-5-2, ku mbrojtja përbëhet nga Bastoni, De Vraj dhe Skriniar. Në mesfushë para mbrojtjes do të jetë Brozoviç, përpara Barela dhe Eriksen dhe nga krahët Darmian dhe Hakimi. Në sulm dyshja Lukaku, Lautaro.

Në kampin tjetër, ekipi i Gatuzos nuk është dorëzuar në luftën për një vend në zonën Champions, teksa humbja e Juventusit ndaj Atalantës ka sjellë buzëqeshjen në shtëpinë e napoletanëve. Në këtë sfidë tekniku italian do të vijë me një mungesë të rëndësishme në sulm si ajo e Lozanos, i cili ka plotësuar numrin e kartonëve.

Skuadra e Napolit  do të vijë me rreshtimin 4-2-3-1, ku Hysaj dhe Rrahmani do ta nisin nga stoli sfidën. Ndërkohe në sulm Gatuzo ka menduar të hedhe Politanon, një ish-zikaltër i cili e njeh mjaft mirë Interin.

FORMACIONET  ZYRTARE





Lajmet e fundit nga