“Mos bini përsëri në zjarr”/ Luljeta Bozo, apel qytetarëve

15 Prill 2021, 09:49, Politikë CNA

Kandidatja për deputete e PS në Tiranë, Luljeta Bozo në një intervistë për CNA.al, ka folur për sfidën e re që ka ndërmarrë duke iu futur politikës.

?Jam për herë të parë politikë, se kisha menduar ndonjëherë që do të isha, por jam një njeri shumë i paanëshëm, çdo njeri që ka dy pare mend në kokë i shikon cilat janë gjërat që duhen bërë, çfarë është bërë, çfarë duhet bërë dhe çfarë premtimesh jep njëri dhe tjetri dhe se sa të arritshme janë. S?mund të premtosh një dëshirë të pa arritshme?, ka deklaruar Bozo.

Ajo është zotuar se nëse do të votëbesohet nga qytetarët, do të jetë në Kuvend, zëri i tyre.

?Unë iu premtoj vetëm kaq, që nëse do të votohem dhe do të jem në atë Kuvend, unë zërin e tyre do ta çoj për ato probleme që janë shqetësuese?, është shprehur Bozo.

Sipas saj problematikat dhe shqetësimet janë të shumta, kryesisht tek të rinjtë, të cilët sipas saj nuk e gjejnë veten këtu.

Por edhe pensionistët, sipas Bozos, janë një shtresë që duan më shumë vëmendje.

?Shtresa e madhe që nuk duhet lënë mënjanë është ajo e pensionistëve, që janë gati gjysmë milioni dhe që kanë shumë probleme. Unë do të mundohem që të jem një zë për grupet e mëdha?, është shprehur Bozo.

Kontribut, Bozo, thekson do të japë edhe në fushën e ndërtimit dhe të energjitikëës, pasi ka shumë probleme në këto sektorë që duhen zgjidhur.

Gjithashtu, sipas saj, probleme ka edhe në fushën e arsimit.

?Akoma nuk është bërë ligji për Arsimin e Lartë. Po ju e dini që jo çdo ligj i zgjidh problemet me njëherë gjatë implemetimit të tij, pasi gjithmonë dalin probleme, për ta çuar atje ku duhet të jetë objektivin që universitetet të jenë vërtetë të pavarura dhe atje të vëlojë kazani i mendimit shkencor?, ka thënë më tej Bozo.

Më tej Bozo, ka bërë apel që pavarësisht fushatës elektorale, të ruhen rregullat anti-Covid.

?Jashtë çdo propagande dhe fushate partie, numër një është të ruhet shëndeti i popullit. Kështu që, në qoftë se grupi i ekspertëve të cilët e kanë menaxhuar shumë mirë deri tani situatën në Shqipëri, vendos një numër të caktuar për takimet dhe vendos orët policiore, këto rregulla duhen respektuar.

Unë jam kundra grumbullimeve përsa kohë nuk është dhënë leja?, është shprehur Bozo.

Në fund Bozo, u është drejtuar me një mesazh qytetarëve, duke iu bërë thirrje që të dalin sa më shumë në votime.

?Populli ynë është shumë i zgjuar, ka rënë nga degët disa herë përgjatë këtyre 30 viteve dhe nuk besoj që mund të bjerë përsëri në zjarr që ta haj sapunin për djath. Mesazhi im është të dalin të gjithë në votime. Kjo ka shumë rëndësi, është një e drejtë që është fituar me shumë mund nga njerëzimi. Këtë të drejtë shko jepe për atë që do?,është shprehur kandidatja për deputete e PS, Luljeta Bozo./CNA.al