web counter
LEXO PA REKLAMA!

SHKARKO APP

App Store
Google Play

E fundit!

x

Muça: Kukësi u duk si pretendent për titull

12 Prill 2021, 13:36, Sport CNA

Shkëlqim Muça ka analizuar disa prej ndeshjeve të kësaj jave në Kategorinë Superiore, teksa në Rubrikën Sportive, theksoi se i ka bërë përshtypje fitorja e Kukësit ndaj Kastriotit, ku ekipi verilindor luajti si një pretendent për titull. Nga ana tjetër, Muça shtoi se goli i shpejtë i pësuar shpartalloi Bylisin ndaj Partizanit, ndërsa tha se meritat për këtë i shkojnë edhe të kuqve.

?Më bëri përshtypje Kukësi në këtë javë , nuk e kisha menduar se do arrinte një fitore kaq të lehtë. Jo vetëm që fitoi ndeshjen, por u duk një ekip komplet ndryshe, sikur ishte një pretendent për titull. Më bëri përshtypje edhe Vllaznia, për mënyrën se si e interpretoi ndeshjen. Një skuadër agresive, që iu përgjigj lojës së Laçit, nuk e kisha parë ndonjëherë. Nuk u dorëzua në asnjë moment në aspektin e agresivitetit. Ishte ndryshe nga shumë ndeshje të tjera, kishte një karikim të veçantë. Ka fituar një llojë pjekurie dhe them se do të jetë pretendente deri në fund?.

APOLONIA-TEUTA 0-2: ?Natyrisht, tani ka ardhur një moment që nuk falen më gabimet. Me skuadra të konsideruar si të lehta në letër, janë mundësitë për të fituar. Teuta e ka të qartë, duhet fituar, sidomos në ndeshje të tilla, nuk falen. Durrsakët kanë krijuar dhe një frymë optimizmi, është drejt finishit dhe e shikoj shumë të karikuar dhe më të lirshme. Mendoj se është në rrugë të drejtë?.

PARTIZANI-BYLISI 3-0: ?Partizani bëri një ndeshje, të cilën nuk e vuri në diskutim. Arriti të shënojë shumë shpejt dhe ekipi ishte i liruar. I vetmi problem ishte që nuk shënoi më shumë në fillim të lojës, sepse kishte mundësinë ta mbyllet ndeshjen më përpara. Në këtë stad që ka arritur kampionati, shikoj që Partizani ka një ekip kompakt, lojarët kanë arritur formën e tyre. Akoma më mirë kur një skuadër ka edhe stolin e rezervave të fortë, sepse kampionati do dhe një stol të fortë, jo vetëm në aspektin sportive, por dhe në bashkëpunimin me njëri-tjetrin. Bylisi nuk ishte një orjentim sulm-mbrojtje, ishte një skuadër që luante hapur, pa një ide të qartë. Goli i pësuar në fillim e shpartalloi komplet. Gjithsesi, merita kryesore është e Partizanit?, u shpreh Muça.





Lajmet e fundit nga