E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Frika nga vaksina kineze/ Mjeku Stroni jep argumentet: Ja pse duhet ta bëni

6 Prill 2021, 15:49, Lifestyle CNA

Aplikimi i vaksinës kineze dhe asaj ruse ka rritur pasigurinë tek qytetarët për të mos marrë asnjë dozë prej tyre, pasi i shohin të pasigurta për shkak se nuk janë certifikuar nga Agjencia Europian e Barnave.

Mjeku infeksionist Gent Stroni hodhi më shumë dritë mbi vaksinën kineze që ka mbërrituer në Shqipëri ku edhe argumentoi pse kjo dozë duhet të aplikohet tek qytetarët.

Në një reagim për CNA.al, Stroni theksoi se metodologjia që ka ndjekur Kina për prodhimin e vaksinës është e njëjta me atë që është ndjekur edhe për viruse të tjera si fruthi dhe rubeola.

Për mjekun, ata që marrin dozat e vakisnës anti Covid do të arrijnë të parandalojnë vdekjen dhe shprehet optimist se shumë shpejt EMA do arrijë të jap dritën jeshile për aplikim, njësoj siç bëri me AstraZeneca-n.

“A mendoni që në 2 miliardë që ka Kina njerëz dhe që është aplikuar ka pasur problem? Skeptik ka edhe përpara se të fillonte Covid, ku thoshin që nuk duhet bërë vaksina në fëmijëri se fillon të ketë problem, ngelen pa familje e ku di unë, 101 të tjera.

Në rast se neve gjykojmë për procedurën e ndjekur ose metotdologjinë e ndjekur të këtyre vaksinave, vaksina kineze i takon që të jetë më e sigurta se të gjitha të tjerat sepse metodologjia e përdorur është metodologji që ka 100 vjet që përdoret.

Pra, virusi merret, pasazhohet dhe kalon në procedura të tjera, ku bëhet zbutja dhe deaktivimi i tyre dhe aplikohet. Këtë orocedurë kemi për fruthin, për rubeolën dhe për shumë të tjera. Parë në këndvështimin e procedurës është kjo. Pse EMA nuk e ka certifikuar? Por EMA bëri të njëjtën gjë edhe me AstraZeneca-n, nuk e dha përgjigjen atëherë kur duhej, në një kohë kur në Angli po mbaron me vaksinimet dhe ne akoma diskutojmë kanë apo jo rezultat.

Nuk duhet parë me skepticizëm por me optimizëm se çfarë ndodh me personat të cilët nuk vaksinohen. Personat që nuk vaksinohen do të thotë që kanë një përqindje të lartë të vdekshmërisë, në një kohë që vaksina kineze të heq mundësin e vdekjes nga Covid.

Të gjitha vaksinat mund të kenë problem, edhe ajo e gripit, por midis asaj se çfarë benefiti të jep dhe asaj se çfarë ti pretendon të heqësh dhe krahasimisht me sëmundjen them që benefitet janë shumë herë më të larta“, tha mjeku për CNA.al.