web counter
LEXO PA REKLAMA!

SHKARKO APP

App Store
Google Play

Berisha nxjerr emrin e deputetit të PS që s’është hetuar kurrë/ Mbi të rëndojnë shumë vepra penale

6 Prill 2021, 20:01, Politikë CNA

Ish-kryeministri Sali Berisha u shpreh se në radhët e Partisë Socialiste ka politikanë të cilët nuk janë gjykuar kurrë për të shkuarën e errët të tyre dhe familjarëve.

Berisha në një intervistë për Fax News tha se organet ligjzbatuese asnjëherë nuk i kanë marrë nën hetim këta persona, ku veçon socialistin Rrahman Rrajën, që mbi të dhe familjen e tij rëndojnë një sërë akuzash.

Ndër të tjera ish kryeministri tha se në listën e Partisë Demokratike asnjë kandidat nuk akuzohet për vrasje apo plagosje.

?Sepse krahas njerëzve të qytetëruar, politikanëve, në atë kohe dhe në këtë kohë ka përsëri politikanë me moralin e turpit. Në radhët e PS-së janë disa të tjerë për të cilët nuk është kërkuar asgjë. Ka mundur të ndodhi, sepse ai që ka në dorë të gjitha burimet e informacionit dhe i ka bllokuar ato, duke mos i lënë të ekspozohen.

Në ato lista nuk egziston Rrahman Rraja, mbi të cilin, familjen edhe klanin e tij, rëndojnë një numër i konsiderueshëm vrasjesh, plagosjesh, përdhunimesh, plaçkitjesh, dhe trafik drogë në Europë. Është një numër i konsiderueshëm për të cilët nuk është marrë asnjë masë për hetimin e tyre. Ata të cilët janë listue nga PD-ja asnjëri prej tyre nuk është për vrasje, plagojse, etj?, u shpreh Berisha./CNA.al





Lajmet e fundit nga