web counter
LEXO PA REKLAMA!

SHKARKO APP

App Store
Google Play

Ahmataj: Skënderbeu nuk merrte futbollistë anonimë

5 Prill 2021, 11:48, Sport CNA

Ish-trajneri i Skënderbeut në këtë sezon, Julian Ahmataj ka theksuar edhe njëherë se klubet shqiptare mendojnë se të huajt bëjnë diferencën, mirëpo i transferojnë ata pa pasur shumë filtra, duke mos ditur sjelljen që kanë. I ftuar në emisionin Sport Neës Plus, Ahmataj shprehet se në Shqipëri mendojnë se suksesi arrihet lehtë, ndërsa shtoi se Skënderbeu nuk afronte lojtarë anonimë në merkato.

?Një skuadër nuk formohet me djem të rinj në qoftë se do të fitosh kampionatin. Klubet në përgjithësi janë të tunduara për të marrë lojtarë të huaj sepse mendojnë se ata bëjnë diferencën, por nuk marrin parasysh problemet ekonomike dhe vështirësitë që këto afrime mund të sjellin.

Futbolli është të ndërtosh gjithë javën që ditën e ndeshjes të vish i qetë dhe në formën optimale për të arritur rezultat sa më pozitiv. Edhe klubet e huaja kanë dështime në afrimin e të huajve, por klubet shqiptare kanë filtrin e dobët sepse ka të bëjë dhe filtri. Bota investon, shkon dhe shikon sjelljet e lojtarëve, këtu i marrin dhe nuk e dinë ça sjellje ka.

Në të gjithë botën investojnë miliarda euro për të arritur suksesin dhe bëjnë projekte afatgjata për ta mbajtur atë, ndërsa këtu kujtojnë se suksesi arrihet me lehtësi. Ka shumë shembuj në botë, ndërsa në Shqipëri atë gjë e ka bërë vetëm Skënderbeu, e cila arriti të krijojë një cikël. Skënderbeu arriti të mbledhë lojtarët me të mirë të kampionatit dhe nuk merrte lojtarë anonim. Merrte ata që kishin rendimentin më të lartë.

Këtu Tirana dhe Partizani e kanë filluar si cikël, por nuk e kanë kompletuar. Edhe Laçi me Teutën e kanë brumin e mirë. Këtu skuadrat kryesore kanë nga 2-3 lojtarë cilësore, por nuk është një ekip i vetëm që i ka të gjithë. Baza duhet të jetë me futbollistë shqiptarë, djem që kanë ambicie, djem pozitiv që t?i japin frymë ekipit, ta udhëheqin drejt suksesit??, u shpreh Ahmataj.





Lajmet e fundit nga