web counter
LEXO PA REKLAMA!

SHKARKO APP

App Store
Google Play

E fundit!

x

Meta takon familjarët e martirëve të 2 Prillit/ I palëkundur përballë misionit historik

2 Prill 2021, 11:33, Politikë CNA

Presidenti Ilir Meta ka takuar familjarët e katër martirëve që humbën jetën më 2 prill të vitit 1991.

Meta ka ndarë me ta shqetësimin për gjendjen e rëndë në të coilën ndodhet demokracia dhe të drejtat e njeriut për shkak të keq-qeverisjes dhe kapjes së shteti.

Më tej presidenti thekson se od të jetë i palëkundur me misionin e tij historik e patriotik për mbrojtjen e demokracisë, zgjedhjet e lira dhe paprekshmërisë së votës.

?E kisha pritur prej kohësh një takim kaq të ngrohtë e frymëzues me familjarët e katër Martirëve të Demokracisë, Arben Broci, Bujar Bishanaku, Nazmi Kryeziu e Besnik Ceka, por edhe me anëtarë të Shoqatës patriotike “2 Prilli”, me të cilët ndamë shqetësimin e përbashkët për gjendjen e rëndë ku ndodhen demokracia dhe liritë e të drejtat e njeriut, për shkak të keqqeverisjes dhe kapjes së shtetit.

Si ish-student i Dhjetorit ’90 ju garantova se do të jem i palëkundur në ballë të misionit historik e patriotik, që nisëm tre dekada më parë, për mbrojtjen e demokracisë, zgjedhjeve të lira e të ndershme dhe paprekshmërisë së votës, për të cilat dhanë jetën më 2 prill 1991 edhe katër djemtë më të mirë të Shqipërisë.

Nga Shkodra, zemra e demokracisë, u angazhova para familjarëve të Dëshmorëve se do ta përmbushim amanetin e tyre duke marshuar fitimtarë drejt 25 prillit për të mbrojtur zgjedhjet, të ardhmen europiane të vendit, për të mos lejuar më shpopullimin e Shqipërisë dhe largimin e shkodranëve e shqiptarëve, për t?i zëvendësuar ata me qytetarë nga vende të tjera.

Gjaku i katër Martirëve të Demokracisë, i Havzi Nelës dhe i të gjithë Dëshmorëve të rënë për lirinë e demokracinë nuk do të bëhet ujë! ???, shkruan ndër të tjera presidenti Meta./ CNA.al





Lajmet e fundit nga