E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Do largohet nga City, 3 klube të mëdha futen në garë për Sergio Agueron

30 Mars 2021, 13:48, Sport CNA

Klubi anglez i Mançester Sitit ditën e djeshme, njoftoi largimin në verë nga skuadra të sulmuesit argjentinas, Serxhio Aguero. Pas 10 sezoneve të luajtura në Angli, ?El Kun? është në kërkim të një aventure të re dhe sipas gazetës spanjolle ?Marka?, janë tre skuadrat kryesore që qëndrojnë në avantazh për të marrë shërbimet e argjentinasit.

Barcelona, ??Juventus dhe PSG-ja, të gjitha dëshirojnë të nënshkruajnë sulmuesin veteran në verë. Me fondet e pakta për shkak të pandemisë Covid-19, nënshkrimi falas i një lojtari si Aguero është diçka që vështirë se ndonjë klub do të dëshironte ta humbiste.

Tek Barcelona ende shpresojnë të bindin Mesin për të qëndruar përtej këtij sezoni, dhe blaugranasit e shohin transferimin e argjentinasit si një ?as nën mëngë?, që ta bindin ?pleshtin? për të qëndruar.

Juventusi gjithashtu e dëshiron atë, por për shkak të kërkesave të larta ekonomike të argjentinasit kanë vënë në shënjestër dhe sulmues si Moise Kin dhe Arkadius Milik. PSG-ja më një largim të mundshëm të Ikardit, e shikon Agueron si një zëvendësuese perfekt për sulmin.

Ndërsa kanë mbetur edhe disa muaj para se të përfundojë sezoni, Aguero ka mundësinë të fitojë Ligën e Kampionëve për herë të parë në karrierën e tij dhe të largohet nga Mançester Siti duke përmbushur synimin e tij për një kohë të gjatë.