web counter
LEXO PA REKLAMA!

SHKARKO APP

App Store
Google Play

E fundit!

x

Arjan Sala humbi jetën tragjikisht/ Leonard Olli i prekur: Elitat e korruptuara po tentojnë që të na përçudnojnë

27 Mars 2021, 08:10, Aktualitet CNA

Anëtari i Bordit Drejtues të Bindjes Demokratike, Leonard Ollin, ka shprehur ngushëllimet e tij për familjen e 32 vjeçarit Arjan Sala, trupi i të cilit u gjet i pajetë në magazinën që mori flakë pak ditë më parë.

Nëpërmjet një postimi, Olli e ka quajtur hero të riun, që hyri mes flakëve për të shpëtuar jetët e njerëzve.

Ai tregon se ka mbetur mjaft i prekur nga heroizimi i të riut dhe i shpreh ngushëllimet e ndjera familjes. Gjithashtu ai është shprehur se elita e korruptuar po tenton të përçudnojë qytetarët dhe t?i bëjë ata të ndihen më të mjerë, vetëm që të ruajnë sundimin e tyre.

?Madhështia e thjeshtësisë, heroizmit dhe vetëskarifikimit për të tjerët tashmë e ka edhe një shembull tjetër brilant. Arjan Sala, u vetësakrifikua që të shënonte jetë! Çfarë kuraje, çfarë shpirt heroi e zemër luani! Ai dëshmon se shqiptarët, shoqëria jonë nuk është asnjëherë në krizë vlerash, rasti i djaloshit Ledion Mita që shpëtoi nga mbytja dy fëmijë në Fier, duke rrezikuar jetën e tij, por edhe shumë shembuj të tjerë që nuk kanë marrë vëmendjen e publikut, janë dëshmi e qartë e vlerava të padiskutueshme që shqiptarët kanë. Por elitat e korruptuara kanë tentuar e po tentojnë që të na përçudnojnë, të na bëjnë të ndjehemi të mjerë, që shitemi e blihemi, vetëm e vetëm që të ruajnë sundimin e tyre! JO! Nuk do ia dilni dot! Shqiptarët janë kombi i vlerave dhe shpirtit luftarak! Janë edhe shumë më të mirë se sa i përshkruan Lord Bajron etj! Thjesht shumë shpejt do të dinë të marrin fatin e tyre në duar dhe do të ndëshkojnë elitën që ka tradhtëtuar besimin, shpresën e tyre dhe interesat e vendit! Pushofsh në Parajsën e përjetshme Arjan Sala! Do të mbetesh përgjithmonë heroi ynë, shembulli për ne dhe brezat që do të vijnë! Ngushëllimet më të ndjera familjes! Respekt e mirënjohje pa fund për djalin tuaj! ????, shkruan Leonard Olli./ CNA.al





Lajmet e fundit nga