web counter
LEXO PA REKLAMA!

SHKARKO APP

App Store
Google Play

“Durrësi është bërë vendi i bandave”/ Bylykbashi: Rama i dha dorë për ta kthyer në qytetin e krimit

26 Mars 2021, 21:31, Politikë CNA

Kandidati për deputet në qytetin e Durrës për PD Oerd Bylykbashi, ka folur për zgjedhjet e 25 prillit dhe kundërshtarin e tij në këtë qark kryeministrin Edi Rama.

Sipas Bylykbashit, qyteti i Durrësit është kthyer në manualin e problemeve që tregon se një qytet është qeverisur në gjendjen më të keqe të mundshme.

I ftuar në emisionin ?Pa Protokoll?, Bylykbashi tha se është shumë mirë që Rama ka kandiduar në Durrës, sepse ai qytet është prova, vendi i krimit dhe i mënyrës së qeverisjes së tij.

Bylykbashi shtoi se ky qytet ka arritur në atë pikë që jo thjesht bandat xhirojnë nëpër Durrës, por ndodhen nëpër zyra, duke shtuar se Edi Rama në vend që ta kthente në fushën e betejës për luftën kundër krimit ai i dha dorë për ta kthyer në qytetin e krimit.

“Unë besoj që është shumë mirë që Edi Rama vendosi të vijë në Durrës, ai qytet është viktima është prova dhe vendi i krimit, i mënyrës së qeverisjes së Ramës. Ky qytet ka manualin e problemeve që mund të ketë një qytet që qeveriset në gjendjen më të keqe, dhe ai qytet u kthye në kryeqytetin e bandave, ky qytet ka arritur deri në atë pikë që jo thjesht bandat xhirojnë nëpër Durrës por janë nëpër zyra. I gjithë ky qark ka një situatë të atillë që Edi Rama në vend që ta kthente në fushën e betejës për luftën kundër krimit ai i dha dorë për ta kthyer ne qytetin e krimit?, tha Bylykbashi./CNA.al





Lajmet e fundit nga