web counter
LEXO PA REKLAMA!

SHKARKO APP

App Store
Google Play

Meta letër Kuvendit dhe KQZ-së/ Ngjarja tek FRD- ja bie ndesh me parimet demokratike

17 Mars 2021, 16:08, Aktualitet CNA

Presidenti Ilir Meta i ka  dërguar letër Kuvendit edhe Komisionit Qëndror të Zgjedhjeve . Sipas tij ngjarja e ndohur pak ditë më parë te zyrat e FRD-së dhe incidenti në Elbasan janë provë e qartë që mazhoranca po minon pluralizmin dhe sipas tij këto veprime bien ndesh me parimet  demokratike.

Meta është shprehur  situata parazgjedhore është cenuar rëndë.

?Siç dhe jeni njohur me zhvillimet e fundit, përmes medias së shkruar, elektronike dhe vizive, situata politike parazgjedhore dhe klima e besimit ndërmjet forcave politike garuese në zgjedhjet e përgjithshme të 25 prillit, është cenuar rëndë.

Përpos faktit të pasqyrimit në media të zhvillimeve të fundit në Tiranë dhe Elbasan, si President i Republikës, më duhet t`ju bëj dije mbi një situatë tërësisht të paligjshme, që ndodhi në selinë e Frymës së Re Demokratike, forcë politike kjo e cila u sulmua dhunshëm nga strukturat dhe Kryetari i Bashkisë Tiranë?, ? mësohet të jetë shprehur Meta në këtë letër.

Sipas Kreut të Shtetit: ?Ky sulm, që u organizua dhe ekzekutua vetëm pak ditë më parë, në datën 12 mars 2021, pas nënshkrimit të një marrëveshjeje të FRD-së me Partinë Demokratike dhe aleatët e saj për zgjedhjet e 25 prillit 2021, bie ndesh me të gjitha parimet demokratike të shtetit të së drejtës, bashkëjetesës që do të duhet të shoqërojë situatën, para, gjatë, dhe pas zgjedhore.

Ky sulm është një tjetër tregues i sjelljes tërësisht të papërgjegjshme dhe provokuese të mazhorancës, me qëllim dëmtimin e aktivitetit kushtetues dhe ligjor të kësaj force politike pjesëmarrëse në zgjedhje, por njëkohësisht edhe një dëshmi e përpjekjeve të saj sistematike për të minuar pluralizmin politik në vend?, mësohet të jetë shprehur Presidenti Meta në këtë letër./CNA.al





Lajmet e fundit nga