E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Zgjedhjet e 25 prillit/ Olta Xhaçka tregon pse "braktisi" Dibrën

16 Mars 2021, 20:45, Politikë CNA

Ministrja e Jashtme Olta Xhaçka, e cila është kandidate për deputete në Kolonjë, ka komentuar listat e PS-së për zgjedhjet e 25 Prillit dhe zhvendosjen e saj nga Qarku i Dibrës në atë të Korçës.

Xhaçka tha se çdo lëvizje bëhet për të mirën e partisë në këtë proces zgjedhor, duke shtuar se nuk ka pasur asnjë imponim nga ana e kryeministrit Edi Rama.

?Jam në një detyrë të nderuar, që e kam pranuar me shumë përgjegjësi, një detyrë që e ushtronte vetë kryeministri. jam shumë e privilegjuar për këtë mundësi. Sa i takon lëvizjes nga Dibra në Korçë, është shumë e natyrshme për mua. Karriera ime politike ka nisur nga kandidimit në Korçë, kam pasur dy mandate atje. Origjina ime është në Korçe. Pra është një kalim në origjinën time. Nuk ishte aspak e imponuar. Është një proces që ka shumë diskutim, kryesisht me drejtuesve politikë dhe kryetarit të partisë. Unë nuk kam shkuar në atë kohë në Dibër, por kam qenë drejtuese politike atje, e emëruar nga kryetari i partisë, për të sjellë riorganizim të strukturave tona atje.

Kemi të identifikuar shumë personazhe, aktorë apo faktorë të rëndësishëm, përfaqësues për komunitetin e Dibrës, që pa asnjë siklet mund t?iu kalojmë stafetën sot për të përfaqësuar Dibrën dhe për të marrë rezultat të pritshëm. Në këtë kuptim, rikthimi im në Korçe është i natyrshëm. Ka qenë produkt i një diskutimi mes meje, kryeministrit, strukturave të partisë. Të gjitha ndryshimet bëhen në funksion të punës. Tërheqja ime nga Dibra nuk erdhi e imponuar nga kryetari i partisë, dhe as nga mospranimi i strukturave vendore atje. Kemi bërë zgjidhjen më të mirë, për të pasur një rezultat më të mirë?, u shpreh ajo në emisionin ?Real Story?.

Ministrja tha se lëvizja e saj nuk ka lidhje me dosjen ?184?, duke deklaruar se kjo çështje do të zgjidhet nga drejtësia.

?Shkurt dhe qartë, nuk kanë asnjë lidhje. Historia e dosjes së Dibrës dhe ish-kryetarit të bashkisë, sot drejtues politik i listës së PS, do të zgjidhet nga drejtësia. Dionisi është një përfaqësues shumë i mirë, gëzon respektin e dibranëve. Nëse do të isha në Dibër, s?do të isha as tek objektivi bazë, por te maksimali.

Pra, do të isha e treta në listë. Nëse Dibra ka marrë 2 mandate në zgjedhjet e shkuara, këtë radhë ne do të marrim tre dhe unë do të isha e treta në listë. Ne kemi rënë dakord në tryezën e PS që pa diskutim ata që kanë pasur besimin më të madh nga strukturat e partisë, kanë përgjegjësinë më të madhe për të bërë më shumë, për të marrë maksimumin e mundshëm, për të përfaqësuar ata që na votojnë?, theksoi Xhaçka./ CNA.al