web counter
LEXO PA REKLAMA!

SHKARKO APP

App Store
Google Play

“Të hapen zyrat e PD-së”/ Nishani thirrje Bashës

11 Mars 2021, 09:28, Politikë CNA

Bujar Nishani përmes një njoftimi në rrjetin e tij social, ka folur rreth zgjedhjeve të 25 prillit dhe kandidatëve të zgjedhur në lista.

Nishani u shpreh se fushatat dhe vetë 25 prilli do të jetë nje betejë e vërtetë duke folur se kundërshtarët e Opozitës do të jenë kundër një bandë trafikantësh por edhe parash dhe pushtesh.

?Do të jetë një betejë, pasi Partia Demokratike dhe partitë e tjera të opozitës kanë përballë jo një kundërshtar politik por një rregjim hibrid gangsterrësh, një bandë trafikantësh, jo vetëm substancash por edhe parash, influencash dhe pushtetesh?, shkruan Nishani.

Nga ana tjetër ai i bëri thirrje Bashës për hapjen e shtabeve elektorale në çdo vend dhe komunë të Shqipërisë.

“Urgjente është ngritja piramidale e shtabeve elektorale duke nisur nga shtabi qëndror i degës së PD deri tek shtabi elektoral për çdo qendër votimi, listat e votuesve në nivel Qendër Votimi duhet të njihet nominalisht nga aktivistët e terrenit përgjegjës për atë territor përkatës?, shkruan më tej Nishani.

Nishani nuk la pa përmëndur dhe kandidatet e ndodhur në listën e Partisë Socialiste vetëm për fasadë dhe që sipas tij nuk kanë lidhje me partitë politike.

?Shqiptarët e dinë mirë se tentakula të zeza krimi dhe korrupsioni edhe këtë herë përpiqen të fshihen brenda një guacke e cila tentohet tu paraqitet shqiptarëve e kamufluar me ?tatutë? e imazhit të 5-6 zonjave që nuk kanë asnjë lidhje me politikën apo legjislativin, përveçse janë detyruar të përdoren si fasadë mbulesë e rregjimit të gangove,? thekson ai.

Duke mos lënë pas dhe ?manipulimet e gangsterëve? të partisë kundërshtare të Opozitës, Nishani shtoi se fitorja do të vijë vetëm nëse çdo kundërshtar mban përgjegjësitë e tyre./CNA.al





Lajmet e fundit nga