web counter
LEXO PA REKLAMA!

SHKARKO APP

App Store
Google Play

Sherr për karrige në PD-në e Korçës/ Salianji përplaset me Andrea Manon

11 Mars 2021, 17:20, Politikë CNA

Sherr për karrige në PD-në e Korçës/ Salianji

Dega e Partisë Demokratike në qarkun e Korçës është përfshirë në një konflikt masiv mes anëtarëve të saj.

Gjatë mbledhjes me dyer të mbyllura mes kandidatëve të listës zgjedhore të 25 prillit, është diskutuar ndarja e zonave për secilin.

Drejtuesi politik i qarkut Edmond Spaho ka kërkuar që ish deputeti Ervin Salianji të drejtojë qytetin e Korçës për të kërkuar votëbesimin e qytetarëve.

Mësohet se drejtuesi i degës dhe kandidati për deputet Andrea Mano, ka hedhur poshtë propozimin duke adresuar një sërë akuzash ndaj Spahos dhe Salianjit.

Salianji ka kërkuar që Mano të largohet nga drejtimi i PD-së në Korçë për t’i lejuar hapësirë atij që fillimisht ka nisur fushatën në zonën e Maliqit.

Salianji ka kërkuar të mbulojë Korçën së bashku me Sorina Kotin, por Mano ka kundërshtuar me argumentin që përgjegjësia politike për rezultatin ishte e tij, që për 8 vite kishte drejtuar degën lokale të PD, pavarësisht se renditej i 7 në listën e kandidatëve.

Tonet e larta zëri dhe goditjet e tavolinës me grusht nga ana e Salianjit zgjatën për disa minuta, ndërsa Spaho u mundua të qetësojë gjakrat duke iu dhënë alternativa të tjera të ndarjes së zonave.

Mësohet se demokratët e degës Korçë, kanë thënë se Basha i gënjeu strukturat kur tha që nuk do të përsëritej më gabimi i 2017 kur Mano u rendit i 5 dhe nuk mundi të merrte mandatin e deputetit.

Por kujtojmë këtu që pak kohë më parë, CNA.al raportoi se strukturat e bazës në grupseksionin e PD në Pojan të Korçës kanë kërkuar përjashtimin e Salianjit, me argumentin se ai nuk i përfaqëson ata.

Pas Vlorës tashmë edhe në Korçë kanë nisur pakënaqësitë ndaj Bashës me listat që ai ka hartuar./CNA.al

Ekskluzive/ Salianjin e dëbojnë nga mbledhja e strukturave





Lajmet e fundit nga