web counter
LEXO PA REKLAMA!

SHKARKO APP

App Store
Google Play

Rama rrëfen historinë me gjyshen që i mësoi gjuhën/ Italia ishte ëndërr për ne

6 Mars 2021, 09:06, Politikë CNA

Kryeminsitri Edi Rama ndodhet në Itali për të kujtuar eksodin e emigrimit të shqiptarëve.

Gjatë fjalës së tij në cerenoninë kujtimore në Pulja me prezencë të ministrit të jashtëm italianë Luigi di Maio, Rama u shpreh se Italia ishte dikur ëndërr për shqiptarët. Më tej Rama ndau edhe historinë e tij me gjyshen, e cila i ka mësuar italishten.

?Duket një histori sikur ka ndodhur 1000 vjet para. Në 30 vjet kanë ndryshuar shumë gjëra edhe pse ne vinim nga tepër larg. Ndryshimet në Shqipëri kanë qenë të pabesueshme. Ajo që i bën të gjithë këto vite të pabesueshme është ndryshimi për shqiptarët që mbërritën me ato anije dhe sot ata janë pjesë e përbërëse e kësaj shoqëria. Janë gati gjysmë milioni, janë mijëra studentë dhe më në fund jo sot, nuk shihen më nga askush si njerëz të dyshimtë. Mbaj mend që për ne Italia ishte një ëndërr. Kam pasur një gjyshe katolike që më ka mësuar këtë gjuhë dhe më thoshte shqipja është gjuha e të parëve të tu dhe italishtja është e të kaltërve tanë. Në atë kohë nuk mund të kapnin Rain në Tiranë se ishin zhurmueist. Ne ishim të lumtur kur shkonim te gjyshja për të parë Rain dhe iknim nga plazhi për të parë lajmet në televizor. Ishim fëmijë që shikonim lajmet. Më pas ndodhi kjo situatë me ballafaqimin e realitetit të Italisë. Ishte një realitet i përbërë nga shumë gjëra. Në atë kohë ne vuanim nga ideja që na shikonim si të dyshimtë. Nuk do harroj kurrë një lajm, ishte një gazetar ku kishte ndodhur një vrasje dhe thoshte nuk ka gjurmë të vrasësit por ka shumë të ngjarë që ta ketë bërë një shqiptar. Kjo na bënte ta vuanim shumë. Kjo është në të kaluarën. Në anën tjetër ka ndodhur një histori integrimi dhe mikpritje?, tha Rama./CNA.al





Lajmet e fundit nga