web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi inspekton pallatet e dëmtuara nga tërmeti në Kombinat/ Banorët nuk kanë marrë garanci

28 Shkurt 2021, 10:14, Politikë CNA

Kreu i FRPD Belind Këlliçi ka zhvilluar një takim me banorët në bllokun e pallateve parafabrikat në zonën e Kombinatit, ku tregoi edhe shqetësimet e banorëve.

Përmes një postimi në rrjetin social, Këlliçi shprehet se ndonëse kanë kaluar më shumë se një vit nga tërmeti tragjik i 26 nëntorit, shumë banorë po jetojnë në pallatet e dëmtuara dhe refuzojnë të dalin nga banesa sepse ajo është gjithçka që ka.

Kreu i FRPD thekson se banorët ndodhen përballë një qeverie të papërgjegjshme, e cila nuk iu ka lëshuar një dokument të rregullt, por vetëm me fjalë dhe premtime boshe.

?U riktheva në bllokun e parafabrikateve në Kombinat.

Me ekipin e Grupseksionit 3 të PD inspektuam pallatet e dëmtuara nga tërmeti. Banorët refuzojnë të dalin nga shtepitë. Shtëpia është gjithçka kanë. E gjithë jeta e tyre qëndron brenda atyre mureve. Duan garanci se ç’do bëhet me ta. Një dokument apo shkresë e rregullt, jo fjalë që i merr era. Shteti serioz punon me shkresa.

Kanë kaluar 14 muaj nga tërmeti dhe ka ende pallate të dëmtuara që qëndrojnë në këmbë. 25 prilli do e ndajë këtë punë njëherë e mirë?, shkruan Këlliçi./CNA.al





Lajmet e fundit nga