LEXO PA REKLAMA!

SHKARKO APP

E fundit!

x

"Vaksinimin mund ta mbyllim para afatit 14 muaj"/ Peleshi: Do angazhohen edhe Forcat e Armatosura

27 Shkurt 2021, 10:58, Aktualitet CNA
"Vaksinimin mund ta mbyllim para afatit 14 muaj"/ Peleshi: Do

Ditën e sotme ka filluar vaksinimi anti Covid, i bluzave të bardha në Korçë.

Ministri i Mbrojtjes, njëkohësisht dhe drejtuesi i politik i PS-së në Korçë, Niko Peleshi tha se Shqipëria do të jetë një ndër vendet e rajonit që do të ecë me ritme më të shpejta sa i përket vaksinimit të qytetarëve.

Peleshi tha se për këtë do të angazhohen edhe Forcat e Armatosura duke dhënë edhe një skenar të mundshëm se si do të zhvillohet ky proces.

“Shqipëria do të jetë ndër vendet e para në rajon që do të sigurojë vaksinimin masiv , që do të sigurojë vaksina për të gjithë popullsinë, mos e merrni si lajm përfundimtar, por kam më shumë informacion se sa po flas dhe jam i sigurt që në ditët në vijim nga Rama do të kemi lajme shumë të mira. Nga ana tjetër na vë në pozitën, që të gjithë institucionet kanë një mundësi për t’i dhënë një dorë procesit të vaksinimit, flas për Forcat e Armatosura, për të vënë në dispozicion të gjitha mjetet tona, ne kemi 100 infermierë, logjistikë, qendra në çdo bashki, në fshatra të mëdha, nëse do gjykohet të ngrihet një sistem i tillë, mjete transporti shumë logjisttikë që do jetë e gjitha në dispozicion të vaksinimit masiv. Shpresoj që dita të jetë shumë e afërt, kemi thënë 14 muaj, por nëse sigurohet në një kohë të shkurtër, mund të jetë më e shkurtër, mund të jemi ndër vendet që do ecë me ritme më të shpejta të vaksinimit masiv në rajon”, tha Peleshi./CNA.al

Lajmet e fundit nga