web counter
LEXO PA REKLAMA!

SHKARKO APP

App Store
Google Play

Topalli tregon kushtin e panegociueshëm/ E gatshme të bashkoj votat me të djathtën

25 Shkurt 2021, 19:34, Politikë CNA

Drejtuesja e Lëvizjes për Ndryshim Jozefina Topalli u shpreh se ajo është e gatshme të bashkojë votat me PD me kushtin e vetëm që nga kjo parti të largohet Lulzim Basha dhe në krye të saj të vi një njeri i pakorruptuar.

Gjatë një interviste për ?Milori Live? në Klan News, Topalli theksoi se emri i koalicionit opozitar është vendosur ?Aleanca për Ndryshim, që sipas saj ishte një taktikë për ta ngatërruar me partinë që ajo drejton.

Ndërsa duke iu referuar partisë tjetër në opozitë, LSI, Topalli thekson se kjo parti është reduktuar për shkak se gjatë kësaj kohe nuk ka pasur përfaqësim.

?Ne jemi të gatshëm të bashkëpunojmë me të djathtën, por me kushtin që të mos jetë Lulzim Basha në krye por një emër i pa korruptuar.

Asgjë nuk ka ndryshuar. Ai ja ka vënë emrin koalicionit ?Aleanca për Ndryshim? dhe mund ta ketë vënë për të ngatërruar votën me Lëvizjen për Ndryshim, por ndërkohë që asgjë tjetër nuk ka ndryshuar.

Njeriu në jetën politike duhet të ndalojë hapin dhe të marrë një herë të vetme vendim në favor të shqiptarëve. LSI është reduktuar sepse gjatë kësaj kohe nuk ka pasur as përfaqësim.

Unë uroj që ne të fitojmë në betejën kundër korrupsionit. Në 26 prill ne do jemi faktori për ndryshim?, tha Topalli./CNA.al





Lajmet e fundit nga