web counter
LEXO PA REKLAMA!

SHKARKO APP

App Store
Google Play

E fundit!

x

Pika e kthesës/ Dasho bën thirrjen e fortë: Shqipëria po përjeton katastrofë shëndetësore

17 Shkurt 2021, 15:19, Lifestyle CNA

Eksperti i Shëndetit Publik, Erion Dasho ka dalë me një reagim të fortë në rrjetet sociale, lidhur me situatën shëndetësore që po përjeton vendi.

Sipas Dashos kur INSTAT të publikojë raportin mbi lindjet dhe vdekjet, frika është se për herë të parë vendi do të ketë një një pakësim natyral të popullates.

Duke e konsideruar vendin në katastrofë shëndetësore, ai fajëson ministrinë dhe komitetin për gjendjen aktuale.

Dasho ngre gjithashtu akuza se  po manipulohet me shifrat e raportuara të viktimave nga Covid.

Shqipëria sot po përjeton katastrofën më të rëndë shëndetësore të historisë së saj. Kur Borati të lejojë publikimin e raportit të INSTAT mbi vdekjet dhe lindjet, frika është se për herë të parë vendi do të ketë një një pakësim natyral të popullatës (pra vdekjet do të kalojnë lindjet).

Kjo situatë dëshpëruese ka vetëm një emër, dështimi i thellë dhe shumëplanësh në menaxhimin e epidemisë së COVID nga qeveria, ministria dhe komiteti i ekspertëve!

Sot shqiptarët nuk drejtohen nga një qeveri, por nga një grup i paaftë dhe i papërgjegjshëm!

Për paralelizëm!

Në mes të tetorit kur merrte masat e para kufizuese, Gjermania kishte një incidencë ditore prej 168 raste për 1 milion banorë. Në fillim të dhjetorit kur këto masa u forcuan edhe më tej, deri në mbyllje të restoranteve dhe bareve, qendrave të argëtimit dhe fitnesit, incidenca ishte 280 për 1 milion banorë. Sot, si rezultat i këtyre masave, Gjermania ka një incidencë prej 70 raste për 1 milion banorë.

Ecuri të ngjashme kanë të gjithë vendet e përgjegjshme europiane të cilat nëpërmjet strategjisë testo-gjurmo-trajto dhe masave kufizuese proporcionale me situatën epidemiologjike kanë arritur ta kontrollojnë përhapjen e COVID-it si dhe pasojat në sëmundshmëri dhe vdekshmëri.

Po Shqipëria?

Së pari Shqipëria nuk teston! Mashtruesit e ministrisë dhe komitetit deklaruan se javën e tretë të dhjetorit do të blinin 300 mijë teste të shpejta. Faktikisht këto teste asnjëherë nuk erdhën dhe para pak ditësh mbaroi partia prej 100 mijë testesh që u ble në fund të nëntorit. Sot pikat e testimit nuk ofrojnë më teste të shpejta dhe për të marrë rezultatin e testit PCR duhet pritur një javë!

Megjithë testimet e ulta, përsëri Shqipëria ka një incidencë të raportuar prej 378 raste për 1 milion banorë, më shumë se dyfishin e Gjermanisë kur nisi marrjen e masave kufizuese në muajin tetor. Spitalet janë plot, ndërsa të vetmet masa që janë marrë janë ato që nuk kanë asnjë efekt: ndalimi i qarkullimit në orët e mbrëmjes (për paralelizëm Gjermania nuk e ndërmori asnjëherë një masë të tillë në shkallë kombëtare por vetëm përkohësisht në zonat e kuqe) dhe mbajtja e maskës prej lecke në publik (një masë e provuar katërcipërisht si a paefektshme).

Cila mund të jetë pika e kthesës?

Në mjeksi ka një parim universal. Për të zgjidhur një problem, duhet eliminuar fillimisht shkaktari. Virusin qarkullon në gjithë botën duke ju nënshtruar të njëjtave ligjësi biologjike. Ato që bëjnë dallimin janë masat që marrin sistemet e shëndetit publik në përgjigje të pandemisë. Në rastin e katastrofës shëndetësore që po përjeton Shqipëria, shkaktari është ministria dhe komiteti.

Në se vazhdohet me këtë menaxhim të pandemisë, situata vetëm do të përkeqësohet dhe do të marrë shumë shpejt përmasa tragjike. Tashmë kemi arritur në pikën kur përgjegjësia e atyre që gatuan këtë çorbë nuk mund të jetë vetëm profesionale dhe morale, por edhe ligjore. Vdekshmëria nga COVID-i, e konfirmuar tashmë nga vdekjet shtesë, nuk mund të mbulohet sado që të vonohet publikimi i raportit të INSTAT-it. Fatkeqësisht për Boratin dhe boratët, vetëm vdekjet nuk fshihen dot. Ato mund t?i manipulosh në një regjistër morgu, por jo në një regjistër të gjendjes civile!

Pika e parë e kthesës në menaxhimin e epidemisë në Shqipëri është shkarkimi me ceremoni i drejtuesve politikë dhe teknikë të përgjigjes shqiptare ndaj pandemisë. Ministrja dhe ekipi i saj, të pasuar nga komiteti i të ashtuquajturve ?ekspertë? duhet të largohen urgjentisht për t?u lënë vendin politikë-bërësve, menaxherëve dhe ekspertëve të vërtetë.

Duke eliminuar pjesën më të kalbur të përgjigjes shqiptare ndaj COVID-it, drejtimin e deritanishëm politik dhe teknik të saj, përgjigja e re mund të ndërtohet duke marrë masa urgjente për një kufizim proporcional të veprimtarive ekonomike dhe sociale sipas praktikave të mira të botës. Më pas të zbatohet një strategji e drejtuar sipas parimit testo-gjurmo-trajto dhe, së fundi, të sigurohen sa më shpejt sasi sa më të mëdha të vaksinës pavarësisht nga origjina e tyre.

Sa për informacion, Instituti Indian i Serologjisë ka nisur të prodhojë vaksinën e AstraZeneca-s dhe së shpejti do të ketë kapacitet prodhues prej disa qindra milionë dozash. Filiali në Marburg i BioNTech do të prodhojë 250 milionë doza të vaksinës së BioNTech/Pfizer brenda qershorit. Në vend të shopping-ut të Krishtlindjeve, Borati dhe boratët mund të kishin negocijuar me këto dy kompani prestigjioze dhe sot të ishin në një stad komplet tjetër të vaksinimit.

Shqiptarët e kanë kuptuar se katastrofa shëndetësore që po përjetojnë sot ka vetëm një emër dhe një shkaktar: rilindjen dhe boratët. Dhënia fund drejtimit kriminal dhe lejimi i profesionistëve për të menaxhuar epideminë është hapi i parë drejt rrugëzgjidhjes.

Le të shpresojmë se boratëve u ka mbetur sadopak ndërgjegje dhe përgjegjshmëri për të kuptuar se duhet të largohen duke u kërkuar falje shqiptarëve…

 





Lajmet e fundit nga