web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në Kosovë/ Mustafaj tregon faktorët që ndikuan në fitoren e Kurtit

16 Shkurt 2021, 19:27, Aktualitet CNA

Ish ministri i Jashtëm Besnik Mustafaj ka komentuar procesin zgjedhor në Kosovë dhe faktorët që sipas tij çuan Lëvizjen Vetëvendosjen drejt suksesit.

Për ish-ministrin e Jashtëm në fitoren e Albin Kurtit ndikuan disa faktorë, duke shtuar se bashkëpunimi i Vjosa Osmanit solli një rezultat më të mirë.

?Kanë ndikuar shumë faktorë, që janë thelbësorë, por jo programorë. Ka ndikuar fakti që rrëzimi i qeverisë Kurti para një viti u prit keq nga publiku, që ishte gjysmë intrigë e thurur nga Thaçi dhe Mustafa. E dyta lëvizja e Vjosa Osmanit drejt listës së Vetëvendosjes. Vjosa Osmani nuk është bërë anëtare e Vetëvendosjes, ka listën e vet, që solli një zhvendosje tektonike të elektoratit.

Vetëvendosje ka marrë 150 mijë vota më shumë se para një viti e gjysmë, po kaq më pak ka marrë LDK. Istogu, që është vendlindja e Ibrahim Rugovës, tani Vjosa Osmani ka marrë një mijë vota më shumë se e gjithë LDK bashkë, 6 mijë vota Osmani dhe 5 mijë LDK. Ata që u bënë pjesë e rrëzimit të qeverisë Kurti, AAK dhe LDK-së kanë rënie të theksuar, ndërsa PDK ka ruajtur të njëjtin elektorat? tha ai.

Ndërkohë që duke iu referuar dorëheqjes së Isa Mustafës, ish ministri tha se ky vendim ishte i duhur dhe se sipas tij LDK është në një krizë të thellë.

?LDK është në krizën më të thellë, kërkon reformim shumë të madh strukturor dhe mentalitetin e lidershipit. Dorëheqja e Mustafës është shumë e vonuar, duhet të ishte që në 2019, një njeri pa asnjë koshiencë politike dhe dashuri për LDK. Po të mos ishte ai faktor uzurpator nuk do të ishte përjashtuar Osmani dhe figura të tjera me peshë?, tha Mustafaj.

Zgjedhjet në Kosovë, tha më tej Mustafaj duhet të merren shembull edhe nga Shqipëria.

?Kosova i dha një shembull të lartë demokracie, jo vetëm Shqipërisë që është e fundit në rajon, por edhe Serbisë, Maqedonisë dhe disa vendeve të tjera?, tha ai./CNA.al





Lajmet e fundit nga