web counter
LEXO PA REKLAMA!

SHKARKO APP

App Store
Google Play

E fundit!

x

Aksi Qafë Thanë-Doganë vijon të jetë problematik/ Makinat e vogla kthehen mbrapsht

15 Shkurt 2021, 15:17, Aktualitet CNA

Edhe gjatë ditës së sotme ka vijuar puna në terren për hapjen e plotë të aksit rrugor Qafë Thanë-Doganë, i cili vijon ende të jetë shumë problematik përsa i përket stuhisë së dëborës.

Aktualisht është mundur të hapet vetëm një korsi ç?ka mundëson kalimin vetëm të mjeteve të mëdha dhe autobuseve të shoqëruara me borëpastruese.

Nga Drejtoria e Kufirit mësohet se mjetet e vogla janë kthyer mbrapsht duke dalë nga Dogana e Tushemishtit.

Ndërkohë, stuhia e dëborës vijon të jetë prezente në këtë zonë ndërsa policia u bën thirrje të gjithë drejtuesve të mjeteve të tregojnë kujdes dhe të shmangin lëvizjet e panevojshme.

Dogana e Qafë Thanës prej mesditës së të dielës ka qënë e bllokuar dhe qindra qytetarë kanë pritur më orë të tëra në temperatura të ulëta.

Shkak për bllokimin e saj është bërë trashësia e borës e cila shkoi deri në 1.5m në vendin e quajtur kthesa e tetovarit si dhe braktisja e 3 mjeteve nga drejtuesit e tyre në mes të rrugës./CNA.al





Lajmet e fundit nga