E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Dekriminalizimi/ Zotohet Basha: Unë do ofroj një politikë të distancuar nga krimi

9 Shkurt 2021, 15:58, Politikë CNA

Kreu i Partisë Demokratike Lulzim Basha ka folur për deklaratat e ambasadores amerikane Yuri Kim, e cila prej disa ditësh u ka bërë thirrje partive politike që të pastrojnë listat e kandidatëve për deputetë.

Në lidhje me këto deklarata, Basha u shpreh se mes PS dhe PD ka një dallim si dita me natën, duke renditur edhe rastet kur komponentë të mazhorancës janë kapur sipas tij me presh në duar.

Në një intervistë për Ora News, Basha theksoi se përfshirja e personave me rekorde kriminale kanë sjellë rrënimin e vendit, duke nisur nga papunësia, emigracioni dhe kriza ekonomike.

Për kreun demokrat, dekriminalizimi vijon të mbetet një shqetësim si për qytetarët shqiptarë, ashtu edhe për ambasadorët, duke u zotuar se ai do t?iu ofrojë qytetarëve një politikë të pastër dhe të distancuar nga krimi.

?Ka një diferencë si nata me ditën. Ju e dini që Partia Demokratike mundësoi ligjin për dekriminalizimin kur nuk kishte votat në parlament, me ndihmën dhe presionin e Shteteve të Bashkuara të Amerikës dhe të Bashkimit Europian. Edi Rama është kapur me presh në duar. Në 2013-ën kur solli 19 deputet me rekorde kriminale në parlament. Në 2015-ën kur kandidoi përsëri kandidat për kryetar bashkie me rekorde kriminale.

Në 2017-ën dhe së fundmi edhe në 2019-ën në procesin farsë, ku megjithëse nuk kishte kundërshtar politik përball, siç e pa e gjithë bota dhe siç u turpërua Shqipëria për fajin e tij, prapë se prapë nuk hoqi dorë nga personat me rekorde kriminale. Ajo që po ndoshta sot është që Edi Rama po përballet dhe do të përballet me faturën e plotë të veprimeve të tij. Për shkak të përfshirjes së personave me rekorde kriminale, këto kanë qenë 8 vitet me dështimet më të mëdha të Shqipërisë, faturën e të cilave e kanë paguar shqiptarët.

Kriza ekonomike, papunësia, emigracioni, janë rezultat i dorëzimit të vendimmarrjes politike te krimi i organizuar dhe të një grusht pushtetarësh të korruptuar. Kjo ka qenë beteja jonë kryesore. Ky është sot shqetësimi më i madh i shqiptarëve dhe shqetësimi i partnerëve tanë strategjik jep jehonë pikërisht këtyre problemeve, këtyre shqetësimeve që ka tashmë e gjithë shoqëria. Edi Rama është i vetëm dhe më 25 prill do të paguaj faturën e 8 viteve të kriminalizimit të politikës që është një nga arsyet kryesore se pse sot Shqipëria është më e varfër, më e papunë, me kosto më të lartë jetë.

Kjo është fatura të cilën Edi Rama do ta paguajë më 25 Prill, por është dhe dita kur shqiptarët do të çlirohen nga politika e kapur nga krimi dhe nga ku Partia Demokratike dhe unë personalisht zotohemi se do t?i japim një politikë të pastër nga krimi si parakusht për mirëqenien e çdo shqiptari dhe të gjithë shqiptarëve. Dhe pavarësisht bindjeve politike?, tha Basha./CNA.al