Belind Këlliçi publikon bilancin ekstrem/ Si e shkatërroi Veliaj Tiranën

8 Shkurt 2021, 13:16, Politikë CNA

Kryetari i FRPD-së Belind Këlliçi, ka bërë një bilanc të lejeve të ndërtimit që kryebashkiaku Erion Veliaj ka dhënë në 4 vjet.

Sipas tij, 1/3 e totalit të lejeve të ndërtimit jepet vetëm në Tiranë ndërsa per katër vite Veliaj ka dhënë 1148 leje ndërtimi.

Veliaj do të mbahet mend si kryebashkiaku i Tiranës që shkatërroi të vetmin park lojërash në Tiranë, atë të 7 xhuxhave, për të ndërtuar një gjigand betony, nijon më tej Këlliçi I cili shton se për të parë dritën e diellit, qytetarët sot duhet të hipin në tarracë.

Analiza e Belind Këlliçi

Erion Veliaj drejton fushatën politike në Tiranë për zgjedhjet e përgjithshme të 25 prillit.

Punët e qytetit presin se kryebashkiaku ka hall tjetër: zgjedhjet parlamentare.

Njeriu që premtoi se do të mbahej mend si kryebashkiaku që nuk dha leje ndërtimi, ka bilancin më ekstrem në dhënien e lejeve, me 33,2% të totalit në rang republike. Kjo jo nga zemërgjerësia por tradita Rama e 20 përqindëshit duhet të vazhdojë për të mbajtur në këmbë kalbësirën me emrin Rilindje.

1148 leje ndërtimi për 4 vjet!

3,3 milionë metra katrorë ndërtime vetëm bashkia e Tiranës! 1/3 e totalit të lejeve të ndërtimit jepet vetëm në Tiranë!

Ka 4-fishuar lejet dhe 8-fishuar sipërfaqen e ndërtimeve gjatë viteve 2016-2019!

Në vitin 2016

106 leje me total 209295 metra katrorë

Në vitin 2017

231 leje me total 521996 metra katrorë

Në vitin 2018

388 leje me total 940348 metra katrorë

Në Vitin 2019

423 leje me total 1561858 metra katrorë

Për të balancuar këtë babëzi betoni, Veliaj flet për një pyll orbital.

Një lopatë në dorë, disa fotografë dhe shumë hi syve.

A keni parë të mbillet ndonjë pemë në lagjen tuaj? Po pallate sa janë mbjellë në lagjen tuaj?

Çdo ditë marrin ankesa nga banorë të Tiranës për pallate të reja në ndërtim që nuk respektojnë asnjë distancë nga godinat e tjera. Duhet të ngjitesh në tarracë për të parë dritën e diellit.

Ky është rasti tipik i politikanit që para fushate premton diçka dhe pas fushate bën krejt të kundërtën.

Rindërtimi i banesave të dëmtuara nga tërmeti ecën me hap breshke kurse kullat në Tiranë rriten shumë shpejt, sa hap e mbyll sytë. Veliaj do të mbahet mend si kryebashkiaku i Tiranës që shkatërroi të vetmin park lojërash në Tiranë, atë të 7 xhuxhave, për të ndërtuar një gjigand betoni.

Ndryshe nga sipërfaqet gjigande që Veliaj jep për mafian kalabreze, qelitë e burgut janë më të vogla.

Pak metra katrorë dhe akomodim falas.