E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Takimi në Presidencë/ Ambasadorja Kim harron Bashën, nuk i përmend as emrin

4 Shkurt 2021, 08:40, Politikë CNA

Ditën e djeshme stërvitja ushtarake e NATO në Ballkan ka bërë bashkë kryeministrin Rama, presidentin Meta dhe kreun e PD, Basha.

Presidenti Ilir Meta mblodhi dje Këshillin e Sigurisë Kombëtare ku i pranishëm ishte edhe gjeneral Major Joseph Jarrard, zv.komandant Gjeneral i Ushtrisë së SHBA në Europë dhe ambasadorja Yuri Kim. Në fokus të këtij takimi ishte ardhja e 6000 trupave ushtarake nga vendet e NATO-s dhe shtete të tjera aleate, të cilët do të stërviten në Shqipëri.

Ndërkohë pas këtij, takimi ka pasur edhe një reagim nga ambasadorja e SHBA, Yuri Kim e cila falendeon Metën, Ramën dhe Ministrin Peleshi. Ajo që bie në sy është se ambasadorja Kim nuk e ka përmendur aspak kreun e PD, Lulzim Basha.

Në reagimin e ambasadores duket sikur Basha nuk ka qenë fare pjesë e kësaj treyeze dhe ajo as nuk i ka përmendur emrin sic ka bërë me pjestarët e tjerë të kësaj mbledhje. Nuk dihet nëse kjo është ndonjë ?harresë? e vogël e ambasadores, apo ajo nuk e ka parë të arsyeshme të falenderojë apo përmendë Bashën.

“Dua të falënderoj Presidentin Meta, Kryeministrin Rama dhe Ministrin Peleshi për pritjen e tyre sot. Patëm një diskutim të shkëlqyer mbi mënyrën se si mund të vazhdojmë të punojmë së bashku për të ndërtuar gatishmërinë dhe ndërveprimin tonë nëpërmjet stërvitjeve të ardhshme ushtarake të SHBA, me ushtarë shqiptarë dhe në tokën shqiptare.
Një aleate e palëkundur e NATO-s prej vitit 2009, Shqipëria është një partnere strategjike e sigurisë për Shtetet e Bashkuara – si në rajon, ashtu edhe në botë. Shqipëria po investon ndjeshëm për të forcuar gatishmërinë e saj për mbrojtjen kolektive të NATO-s, duke punuar ngushtë me SHBA për të përmirësuar aftësitë në të gjitha fushat.
Ne kemi qenë dëshmitarë të guximit dhe vendosmërisë së shqiptarëve në Afganistan, Kosovë dhe Irak dhe, përmes Partneritetit Kombëtar të Shqipërisë me Gardën Kombëtare të Nju Xhersit.
Ndërsa ne jemi ende duke planifikuar stërvitjen DEFENDER-Europe 21, presim që Shqipëria të ketë një rol të rëndësishëm në këtë stërvitje madhore ushtarake. Shqipëria do të jetë një vend kryesor pritës për veprimtaritë e shumta ushtarake që po afrojnë, dhe kjo përforcon rëndësinë strategjike të gjeografisë së Shqipërisë në rajon.
Faleminderit edhe një herë për mirëpritjen tuaj të ngrohtë në Shqipëri dhe pres me kënaqësi edhe më shumë vite mbështetjeje të ndërsjellë me aleaten tonë të vyer, Shqipërinë”.
Gjeneral Major Joseph Jarrard, Zv. Komandant Gjeneral i Ushtrisë së SHBA në Europë?, shkruan Kim në reagimin e saj./CNA.al