Basha pabesi ndaj demokratëve/ Dje akuzonte, sot do sjellë në pushtet "shushunjat" LSI-PDIU

2 Shkurt 2021, 14:50, Aktualitet CNA

Gjatë tetë viteve që drejton Republikën e Re në opozitë, Lul Basha premton çdo herë para një procesi zgjedhor se do ta rrëzojë Edi Ramën dhe nuk do të ketë asnjë kompromis me PS apo partitë e tjera që janë koalicion i së majtës.

Ndonëse sot i ka në koalicion, Basha akuzonte në qershor të vitit 2017, para se rezultati i zgjedhjeve të certifikonte disfatën e tij, LSI dhe PDIU si parti tezgash dhe klienteliste.

Në atë kohë, kreu i Republikës së Re, njësoj si Rama sot, shprehej se parti e Monës dhe Metës nuk do të ishte më në pushtet sepse sipas tij ka abuzuar me pushtetin dhe se nuk do të kishte asnjë herë pazare me PD.

Por ndodhi krejt e kundërta, 18 muaj pasi Basha tha këto fjali. Ai jo vetëm që nuk e mbajti premtimin me të cilin iu drejtua demokratëve dhe mbështetësve të tij, por sot ai është në një koalicion me këto parti, që deri dje ishin klienteliste.

Ndërkoë që na ndajnë më pak se tre muaj nga mbajtja e zgjedhjeve, Basha del para mbështetësve të vet me premtimin se do ta rrëzojë qeverinë sëbashku me partitë klienteliste dhe abuzuese me pushtetin.

”Me Partinë Demokratike, me opozitën, me Republikën e Re, LSI-ja nuk ka më asnjë shans të hyjë në matrapazllëqe dhe pazare. Çdo demokrat i tjetërsuar, i skllavëruar me teserën e LSI-së, apo me vend pune nga LSI-ja, tani ka shansin të rikthehet në shtëpinë e tij. Çfarë kanë arritur ata te PDIU për të drejtat e komunitetit çam?

Më thoni një gjë që kanë arritur. Drejtorinë e Sigurimeve Shëndetësore. PDIU-ja e Idrizit është një kopje e zbehtë i LSI-së, që ka parë modelin e një partie klienteliste dhe ka ndërtuar modelin e vet klientelist. LSI Shpk, PDIU tezgë. Janë parti Shpk, janë parti tezgash.

LSI nuk do të jetë në pushtet sepse ka abuzuar me pushtetin. Jo vetëm në këto 4 vite, por në 8 vite ka ndërtuar modelin e një partie klienteliste, pa axhendë, pa program që ngjitet pas çdo koalicioni, vetëm për të kapur vende pune dhe i paraprin fushatave me para në dorë.

Ky model do të marrë fund, LSI-ja është bërë simbol i këtij modeli, LSI-ja nuk do të jetë në pushtet pas datës 25 qershor, kjo është 1000% e sigurt. Koalicioni që unë drejtoj do t?i fitojë zgjedhjet dhe ne do të qeverisim sipas një modeli që kurrë më nuk do të ketë vend për aleanca klienteliste dhe matrapazllëqe..Modeli i LSI-së po ndëshkohet dhe do ndëshkohet me votë.

LSI ta ketë të qartë se koha e matrapazëve në politikë që shkojnë sa andej këndaj shit klyshë e bli qen merr fund në 25 qershor. Nuk ka më. Ndaj të gjithë ata votues që jeni tunduar me teserat e partive të pazarit që ua kanë dhënë për tu mbajtur peng, dijeni se votat për këto parti janë vota të hedhura në det, kurrë më pazari ?bli klyshë e shit qen? nuk do ecë me PD”, tha Basha në qershor të 2017./CNA.al