web counter
LEXO PA REKLAMA!

SHKARKO APP

App Store
Google Play

Zgjedhjet e 25 prillit/ Kim: KQZ dhe Ministria e Brendshme të zbatojnë marrëveshjen e 5 qershorit

28 Janar 2021, 20:50, Politikë CNA

Ambasadorja e SHBA në Tiranë, Yuri Kim, ka komentuar deklaratën e saj pas takimit me kryetarin e KQZ-së Ilirjan Celibashi.

Kim deklaroi se partitë politike kanë bërë disa marrëveshje që duhet të zbatohen, ndërsa theksoi se ishte mesazh dypartiak.

Ajo kërkoi në emisionin ?Real Story? që KQZ dhe Ministria e Brendshme të zbatojnë plotësisht marrëveshjen e 5 qershorit.

?Ky është mesazhi për zgjedhjet e 25 prillit që po vijnë. Ka marrëveshje të bëra nga të gjitha partitë dhe është me rëndësi që ato marrëveshje të zbatohen. Shoh për shembull marrëveshjen e 5 qershorit. Dhe një pjesë e madhe e saj është zbatimi i identifikimit elektronik si mënyrë për të ulur mashtrimet në zgjedhje. Mendoj se është me rëndësi që KQZ dhe Ministria e Brendshme ta zbatojnë atë plotësisht.

Me sa kuptoj, ka ecur pak ngadalë që njerëzit të rinovojnë aplikimet, kartat e identitetit. Mendoj se njerëzit nuk duhet të presin. Nxora një mesazh, mendoj edhe të tjerët, dhe dëshiroj të vë në dukje që është një mesazh dypartiak. Nuk është diçka në të mirë të një pale apo një tjetre dhe, disa njerëz pyetën, e bëni në favor të opozitës, dhe duhet të them që rindava një lajm për Ministrin Çuçi që nxiste njerëzit të merrnin ID e tyre.

Pasi e rindava këtë, edhe opozita ishte dakord që është me rëndësi që kushdo t?i nxjerrë ID sepse ashtu do mund të shprehin mendimin më 25 prill. Pra, duhet t?i sigurojmë elementët teknikë si duhet dhe KQZ duhet të prioritizojë çfarë është me rëndësi dhe çfarë është bazike. Dhe në fund, të gjithë duhet të marrin pjesë. Secili duhet të marrë pjesë?, nënvizoi ambasadorja amerikane./ CNA.al





Lajmet e fundit nga