E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Ura e Zogut” drejt shembjes/ “Shpërthen” Kikia: Nuk ju dhimbset asnjë pasuri, o të pangopur

28 Janar 2021, 18:45, Aktualitet CNA

Prej disa ditësh në media është raportuar lajmi i dëmtimit të ?Urës së Zogut?, e cila është ndërtuar që në vitin 1927.

Ura e shpallur monument kulture dhe që mbrohet nga shteti, ka humbur në lumë në njërën anë rreth 2 metra.

Duke marrë shkas nga ky lajm, ka reaguar ashpër gazetari Mentor Kikia, i cili thotë se kjo urë u dëmtua sepse lumit iu mor zhavorri deri fare pranë urës dhe niveli i shtratit u ul.

Kikia kujton se gërryeja e lumit u denoncua në maj të 2020-ës, por thekson se prokuroria heshti bashkë me qeverinë.

?Nuk ju dhimbset asnjë lloj pasurie e këtij vendi, o të pangopur?

Kjo urë është ndërtuar plot 93 vjet më parë. Ka parë në jetën e saj dimra e vërshime uji shumë herë më të mëdha se ky i tanishmi, por ka rezistuar. Unë nuk jam ekspert, por nuk ka asnjë dyshim që kjo urë u dëmtua, pra njëra këmbë e saj u zhyt, sepse lumit iu mor zhavorri deri fare pranë urës dhe niveli i shtratit u ul.

Ajo është një urë, është një pronë publike, është një monument kulture që gëzon mbrojtje të veçantë.

U bënë disa ditë që ky krim ka ndodhur dhe mediat e kanë prezantuar me radhë. Por prokuroria nuk ka nisur asnjë lloj hetimi. Për vite me radhë, gjatë gjithë vitit, edhe kur shftrytëzimi i lumejve është i ndaluar, dhjetra kamionë të një kompanie ndërtimi gërryenin natë e ditë shtratin e këtij lumi. Ja ku është mali me inerte, mu në breg të tij(fotoja më poshtë).

Në Maj 2020, u vendosën ca gjoba ndaj kompanisë, sepse IKMT zbuloi se këmbëve të Urën së Zogut i kishin dalë themelet. Një fadromë nisi të vendosë inerte përrreth këmbës që sot është shembur,(fotoja më poshtë) ndërsa dhjetra të tjera vazhdonin ta gërryenin lumin edhe pasi u vendosën gjoba.

E denoncuan mediat pa reshtur këtë maskaradë mjedisore. I filmuan fadromat dhe kamionët. Por askush nuk e ndaloi. Sot, ja cila është pasoja. Prokuroria hesht! Qeveria hesht! Më së paku, varjani në qafë asaj kompanie këtë urë, ta rindërtojë çikë më çikë, ashtu siç ka qenë?, shkruan ai në rrjetet sociale./ CNA.al