web counter
LEXO PA REKLAMA!

SHKARKO APP

App Store
Google Play

E fundit!

x

Tre muaj larg zgjedhjeve/ Mediu: Opozita të krijojë një marrëdhënie të re me shqiptarët

23 Janar 2021, 08:30, Politikë CNA

Kryetari i Partisë Republikane, Fatmir Mediu ka zhvilluar një takimin me strukturat e PR në qytetin e Durrësit.

Gjatë fjalës së tij, Mediu theksoi se viti 2021 është me rëndësi jetike për vendin. Sipas Mediut çdo moment që kalon është në dëm të qytetarëve dhe të opozitës.

Teksa ende nuk ka arritur një marrëveshje me Lulzim Bashës, kreu i PR theksoi se opozita duhet të vijë me një marrëdhënie të re me shqiptarët.

?Çdo moment që kalon, është në dëm të qytetarëve shqiptarë. Çdo moment që kalon, është në dëm të opozitës shqiptare. Opozita shqiptare duhet të vijë në radhë të parë, në një marrëdhënie të re me shqiptarët, në një marrëdhënie për të bashkuar shqiptarët, për të bashkuar veten. Mënyra për të bashkuar shqiptarët është për të krijuar ide të qarta dhe qëndrime të qarta, se çfarë duhet të bëjmë dhe si duhet ta ndryshojmë këtë realitet, duke u nisur nga eksperiencat e vjetra, pozitive, por duke ndërtuar dhe marrëdhënie të reja.
Gjëja e parë që ka nevojë opozita, më tepër se të bashkohet me një apo me dy koalicione, është të krijojë një marrëdhënie të qenësishme politike me qytetarët, nëpërmjet një kontrate të qartë politike, dhe një kontrate morale, që përcakton detyrimet tona si politikanë, përballë qytetarëve shqiptarë, për të realizuar të gjitha ato që janë detyrimi ynë karshi qytetarëve, në respektim të lirive dhe të drejtave të tyre, për të ndërtuar një ekonomi të qëndrueshme, për të krijuar mundësi punësimi, për të mbështetur biznesin, për të krijuar reforma të rëndësishme, luftën kundër krimit të organizuar, luftën kundër korrupsionit, për të garantuar që Shqipëria të bëhet pjesë e Bashkimit Europian, brenda katër vjeçarit të parë, ashtu siç e bëmë në vitin 2005 vend anëtar të NATO-s, brenda një katër vjeçari. Ne bëmë luftë me korrupsionin, luftë me krimin, me ndërtimin e institucioneve, me investime të rëndësishme në infrastrukturë, në energjitikë dhe në sektorë të tjerë të rëndësishëm, zhvilluam ekonominë, ndërtuam dhe forcuam demokracinë shqiptare?, tha Mediu./CNA.al





Lajmet e fundit nga