Connect with Us

Fakti/ Basha kërkon fitore me humbësa dhe të ricikluar

Politikë

Fakti/ Basha kërkon fitore me humbësa dhe të ricikluar

Publikuar

-

Lulzim Basha dje konfiguroi edhe emrat e fundit të qarqeve kryesore në vend. Tashmë ka mbetur vetëm Berati, Gjirokastra dhe Kukësi.

Pra nga 12, 9 qarqe Basha i ka shpallur, dy të fundit ishin dje, Edmond Spaho në Korçë dhe Xhelal Mziu në Dibër. Asnjë surprizë nuk ka në listat e Lulzim Bashës, të deleguarit nuk janë asnjë e re, që nga Shkodra deri në Vlorë.

Por le t’i analizojmë një nga një!

Helidon Bushati
Helidon Bushati

Helidon Bushati u emërua në Shkodër, ish deputet, kandidat në vitin 2017 u tërhoq pasi Basha atëherë e vendosi në fund të listës. Pas katër vjetësh e ka ngritur më lart. Pra nuk është një kandidaturë e re, por një emër i vjetër i njohur për demokratët. Për më tepër gjatë qeverisjes së PS u bë një zyrtar duke marrë një vend komod të ofruar nga Lulzim Basha. Nuk është risia e Shkodrës, nuk i përket vizionit të së ardhmes, por i përket njeriut që i qëndroi në krah Bashës e tashmë po merr shpërblim.

Po të zbresim më poshtë në Lezhë, ditën e djeshme u konfirmua drejtues qarku Mark Marku. U tentua të shpallej si një intelektual dhe një prurje e re, por në fakt nuk është i tillë. Është njeriu që në studiot televizive ka kërcënuar njerëzit se do i mbyllë gojën apo se do ua futë me bidon kokës.

Profesori i Fakultetit të gazetarisë, një njeri shpesh herë i pakontrollueshëm edhe aty. Ka qenë deputet nga viti 2009 në vitin 2018, më pas doli kundër veprimeve të partisë për të cilën sot thotë se duhen respektuar vendimet e saj ndërsa dje nuk i respektonte as vetë.

Skandali me kryebashkiaken e Roskovecit/ Alibeaj: Po i shërben trafikantëve të drogës

Më tej shkojmë në Durrës, ku drejtues politik është vendosur Edi Paloka, ish deputet i këtij qarku në vitin 2017. Atëherë drejtonte Krujën, tashmë mori gjithë qarkun e Durrësit. Nënkryetari i PD në tetë vitë, nënkryetar i grupit parlamentar, ish zëdhënës i PD në kohën e Berishës i ngelur në hije pas Lulzim Bashës për të kapur një mandat.

Shkojmë më poshtë në Fier ku ngelet Enkelejd Alibeaj, humbës në këtë qark në zgjedhjet e 2017.

Alibeaj ka kandiduar në vitin 2015, në vitin 2017 e tashmë shkon sërish të kandidojë, ka qenë më parë deputet e më pas është larguar. Alibeaj nuk është risi, është një personazh kompleks politik i përfshirë deri diku tek dosja “Babale”, por është provuar që mesa duket nuk ka shpresë për të në Fier.

U caktua drejtues qarku në Durrës/ Paloka tregon pse u tërhoq Rama nga kandidimi

Më poshtë shkojmë në Vlorë, Bujar Leskaj, nga viti 2005 deri në vitin 2020 ka qenë në pushtet. Deputet, ministër i Berishës më pas kalon në KLSH pas një propozimi nga Bamir Topi një lëvizje më shumë politike e PD sesa një levizje e vetë presidentit.

Lulzim Basha u tha se e vuri kandidat pasi Leskaj ka një shumë të madhe sponsorizimesh, por kjo ngelet për tu verifikuar, tashmë ai është një e vjetër e rikthyer e shpallur si shpresë për Vlorën, por një ekuacion që i dihet e panjohura.

Më tej shkojmë në Korçë ku Lulzim Basha emëroi Edmond Spahon i cili ka qenë për tre mandate deputet i këtij qarku në vitin 2005 dhe më pas në zgjedhjet e tjera në 2009 dhe 2013 deputet liste.

Spaho nga vitin 2013 u bashkua me Lulzim Bashën dhe në ato momente mori dhe nofkën ‘kërmilli’ pas lëpirjes publike, të turpshme dhe të neveritshme ndaj kreut të PD. Basha e shpërbleu duke e çuar në Durrës për fushatë më Grida Dumën, më pas e çoi në 2017 në Elbasan ku sërish humbi. Tani e ka çuar në Korçë, ku ndoshta në fakt mund të ishte ndonjë emër tjetër, por alternativa e vetme e ngelur ishte Edmond Spaho.  Ky i fundit është pjesë përplasjesh dhe konfliktesh në Korçë gjithësesi një devolli që do tentojë të luftojë ndaj socialistëve.

LEXO EDHE:  Basha nuk i njeh të spikaturit e PD

Spaho del hapur: Mos kthehet Patozi, Topalli dhe ata që na kanë kritikuarAi ka qenë atje në garë dhe rezultatet e arritura nuk kanë qenë të këqija. Të presim dhe të shohim do i kthehet rezultatave të dikurshme në Korçë apo do të jetë si në Elbasan dhe Durrës ku ishte një dështim spektakolar.

Në Elbasan, Lulzim Basha ka vendosur Gazmend Bardhin, sekretarin e përgjithshëm të PD. Një njeri që nga hiçi u emërua gjatë qeverisë teknike si ministër drejtësie. Ka plot skenarë për Gaz Bardhin, njeriun që shpallet si i ndershëm , ka hedhur një firmë gjatë kohës që ka qenë ministër i Drejtësisë, një firmë për një çështje që u ka kushtuar jo pak shqiptarëve.

Basha i besoi qarkun e Elbasanit/ Bardhi entuziast: Është nderi më i madh që më është bërë

Gaz Bardhi ka shkuar të luajë fort në një zonë ku do të ketë në krah edhe Monika Kryemadhin nga LSI, por përballë socialistët duket se janë më të fortë, një qark ku ata gjithmonë kanë drejtuar. Gaz Bardhi këtë radhë është për të provuar pasi ai nuk ka drejtuar më parë asnjë fushatë elektorale, në vitin 2017 ishte ministër Drejtësie dhe në 2019 opozita nuk hyri në zgjedhje. Ai ka qenë thjesht një zyrtar që ka zëvendësuar Lulzim Bashën kur ai nuk ka qenë në zyrë. Me zërin e tij të hollë shpreson se mund tu ngjitë elbasanllinjve të cilët kanë dhe historitë e tyre.

Dje, Lulzim Basha shpalli Xhelal Mziun si drejtues qarku në Dibër, njeriu i shumë lajmeve, me një eksperiencë politike, fitues tre herë në Kamëz në një zonë bastion të PD e cila i është dorëzuar nga Lulzim Basha, socialistëve pas moshyrjes së zgjedhjeve në vitin 2019. Është një import që i bëhet listës, ku të vjetrit në politkë, por që nuk duket se kanë skaduar, priten të kenë energji dhe forcë.

Mziu ka shkuar në Dibër nga Tirana ku prej më shumë se 12 vitesh ka drejtuar bashkinë e Kamzës. A thua se Peshkopia, Maqellara e Dibra nuk kishin një emër të tyre të rritur në atë qytet, një djalë të ri intelektual apo një qytetar demokrat që mund ta drejtonte atë zonë. Gjthësesi vajtja e Mziut është ndryshe nga rastet e tjera, por edhe ai nuk është një risi, ngelet i vjetër dhe tërësisisht i konsumuar për opinionin publik.

Pra po t’i hedhim një sy të gjithë kandidaturave që Lulzim Basha ka vënë nga veriu në jug dhe nga lindja në perëndim nuk shohim asnjë risi, nuk shohim asnjë emër të ri i cili mund të japë shpresë, përjashto këtu Gazmend Bardhin i cili në rast se ngelet shpresa dhe risia e Partisë Demokratike, PD duket se është në rrugë të mbarë, kuptohet drejt fundit.

Por nga ana tjetër mund të theksojmë se disa personazhe janë personazhe të vjetra politike për të cilat Basha ka thënë se nuk do të jenë më, do jenë emra të rinj, njerëz të shkolluar në perëndim, jo me shkollën e komunizmit. Në fakt shumica e tyre që janë, për të mos thënë të gjithë, janë emra të konsumuar , humbës serial si Spaho, Alibeaj, Mark Marku, Helidon Bushati,por kjo tashmë duket se nuk ka rëndësi.

Basha i ka konfiguruar nëpër qarqe dhe pritet vetëm vota e 25 prillit. Nuk jemi shumë larg zgjedhjeve, demokratët kanë filluar fushatën dhe tashmë ngelet për tu parë cili do të jetë rezultati që do të sjellë një ekip i ndërtuar nga Luli me emra të vjetër, me humbës të vjetër dhe me risi Gazmend Bardhin./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Video-Basha tallet me tropojanët/ Tropojsa e tropojse…

Publikuar

-

Nga

Video-Basha tallet me tropojanët/ Tropojsa e tropojse…

Kryetari i Republikës së Re, Lulzim Basha ka vijuar takimet në sajë të fushatës elektorale të 25 prillit.

Sot ai është ndalur në qytetin e Tropojës, ku ka ofenduar dhe është tallur rëndë me banorët e qytetit verior.

Teksa kishte hipur mbi një poltron dhe po fliste para dhjetëra militantëve të PD-së, Basha ka ofenduar vendasit duke i quajtur tropojse dhe topojsa, ndërkohë që banorëve të kësaj zone i thërrasin të gjithë tropojanë.

Kjo tregon papërgjegjshmëri nga ana e kreut të opozitës, i cili pretendon të marrë mandatin e kryeministrit dhe të drejtojë qeverinë e këtij vendi.

LEXO EDHE:  Platforma për Ringritjen/ Patozi: Ende asnjë reagim zyrtar nga PD

LEXO EDHE:  Basha nuk i njeh të spikaturit e PD

Basha shpeshherë ka bërë gafa në daljet publike, por deklarata e sotme mund të konsiderohet si më ofenduesja për shqiptarët dhe në veçanti tropojanët./ CNA.al

LEXO TE PLOTE

Politikë

KQZ letër partive: Hiqni materialet propagandistike nga fasadat e ndërtesave publike

Publikuar

-

Nga

“Zgjidh, voto, vendos”/ Celibashi bën thirrjen e fortë për të rinjtë

Megjithëse legjislacioni për afishimin e materialeve propagandistike gjatë fushatës elektorale ka ndryshuar, sërish partitë politike nuk e zbatojnë atë për të cilën kanë rënë dakord.

Në një shkresë që KQZ u ka dërguar Partisë Socialiste dhe asaj Demokratike, konstaton se ato nuk e kanë zbatuar udhëzimin e Komisionerit dhe Kodin Zgjedhor, duke vendosur materiale propagandistike në ambiente publike dhe fasada godinash të cilat ligji nuk i lejon.

Për këtë arsye Komisioni qendror i zgjedhjeve u ka kërkuar dy partive te mëdha të heqin posterat apo materiale të tjera propagandistike nga ndërtesat e institucioneve publikë. Konkretisht partisë demokratike nga fasada e Universitetit Politeknik të Tiranës, dhe Partisë Socialiste nga fasada e Bashkisë Gjirokastër.

Përveç kësaj, komisioneri Celibashi ka kërkuar nga Partia Socialiste që të shmangë gjuhen denigruese ndaj kundërshtarëve, duke treguar vetëpërmbajtje gjatë dhënies së mesazheve politike./euronews

LEXO EDHE:  Basha nuk i njeh të spikaturit e PD

LEXO TE PLOTE

Politikë

Deklarata e Vuçiç/ Reagon Tedi Blushi: Pas 25 prillit…

Publikuar

-

Nga

Meta pranon skandalin/ “Unë fshihem pas bojkotit të AlbControl”

Zëdhënësi i Presidentit Ilir Meta,Tedi Blushi, ka reaguar lidhur me qëndrimet publike të Presidentit të Serbisë Aleksandër Vuçiç, i cili pretendon se pas Lulzim Bashës qëndron ish-kryeministri Sali Berisha.

Blushi ka thumbuar Edi Ramën, për të cilin thotë se dihet kukull e kujt është dhe e paralajmëron se më 25 prill do të marrë gjykimin e popullit.

Zëdhënësi i Metës deklaron se marrëdhëniet midis Shqipërisë dhe Serbisë do të jenë konstruktive dhe mbi baza respekti të ndërsjellë pas zgjedhjeve parlamentare.

“Më 25 prill 2021, Ndryshimi fiton mbi dy të tretat sipas të gjitha sondazheve të besueshme, që ka Presidenti i Republikës, Sh.T.Z Ilir Meta.

LEXO EDHE:  Basha nuk i njeh të spikaturit e PD

LEXO EDHE:  Basha ‘hap’ thesin e premtimeve/ Paga minimale në arsim do të jetë 700 euro

Se kukull e kujt është Rama kjo dihet, ndaj më 25 prill ai do të marrë gjykimin e popullit të Shqipërisë.

Marrëdhëniet midis Shqipërisë dhe Serbisë do të jenë konstruktive dhe mbi baza respekti të ndërsjellë pas 25 prillit 2021.

Përmes Referendumit të 25 prillit dhe Triumfit të Ndryshimit, shqiptarët heqin bllokuesin e çeljes së negociatave me Bashkimin Europian.

Anëtarësimi në BE është i vetmi projekt, që kemi”, thekson Blushi./ CNA.al

“Pas Bashës qëndron Berisha”/ Vuçiç flet për zgjedhjet e 25 prillit: Po i ndjek me vëmendje

LEXO TE PLOTE