Lulzim Basha kryetari i opozitës jashtëparlamentare, dje ishte i ftuar në “Opinion” në prani të një paneli gazetarësh ku për dy orë u përpoq të sqaronte përgatitjet e opozitës  tre muaj para zgjedhjeve.

Në fakt, një kryetar opozite tre muaj para zgjedhjeve, pasi kundërshtari i tij ka tetë vite në pushtet, pritshmëritë tre muaj para dites së votimit i ka maksimale. Por, Lulzim Basha si gjithmonë nuk zhgënjen! Ai nuk zhgënjeu as mbrëmë. Gazetarët e pyetën se ku do të kandidonte dhe ai këtë nuk e tha, gazetarët e pyetën se cila do të ishte qeveria e nesërme, pra cilët do të ishin njerëzit në krah të tij, ai nuk tha asnjë emër. Ai gjatë gjithë kohës qendronte tek ekspertët duke thënë se ai ka ekspertë.

Gazetarët e pyetën se cilët do të ishin kandidatët për deputet në disa nga qarqet, ai këtë nuk e tregoi. E pyetën se kur do konfiguroheshe koalicioni dhe me sa lista do hynë në zgjedhje, sërish edhe në këtë rast nuk tregoi asgjë, por tha tre variante e këtë sërish ja la ekspertëve. U vërtit për gati dy orë me gazetarët dhe nuk tha asgjë. Emisioni i djeshëm më Lulzim Bashën ishte ndoshta nga më katastrofat që ai ka pasur dhe për faktin se sa më shumë afrohen zgjedhjet dhe rriten pritshmëritë e vëmendja ndaj tij, ai më shumë zhgënjen dhe aq më shumë nuk tregon dhe nuk thotë asgjë sepse e di që do të gënjejë ose do këputë budalliqe, prandaj ka zgjedhur tu shmanget përgjigjeve duke mos thënë asgjë.

Dje kishte vetëm një fjali, nga fillimi në fund të emisionit Lulzim Basha ka thënë: Unë jam kryeministër, unë do të bëhem kryeministër. Duke thënë këto dy fjali në forma të ndryshme, Lulzim Basha ka qenë dje në “Opinion” thjesht dhe vetëm për të thënë se do të jetë kryeministri nesër. Në fakt këtë dëshirë të Lulzim Bashës nuk e vendos dot ai, pra duhet ta kuptojë që nuk është më as lider opozite, as kryeministër nëse nuk duan demokratët dhe shqiptarët.

Pra, nuk është Lulzim Basha të firmosë, vulosë dhe vendosë çfarë do të bëjë dhe si do të zgjidhet. Nuk mjafton të thuash unë dua këtë! Për të ardhmen nuk vendos dot Lulzim Basha, por janë shqiptarët, e që shqiptarët të vendosin duhet të shohin një lider të vendosur, një njeri me program e strategji, me emra dhe aleatë të vërtetë. Lulzim Basha është sërish në çetën e hajdutëve të Monës me disa aleatë të korruptuar dhe të paaftë, me një Parti Demokratike si kurrë më parë. Drejton një opozitë të përçarë thjesht dhe vetëm vazhdon të shohë ëndrrën e tij që të bëhet nesër kryeministër.

Të gjithë e kuptojnë që Lulzim Basha ka një hall, do të bëhet kryeministër, kurse shqiptarët kanë një tjetër hall, duan që të votojnë një njeri të zotin që qeveris ndryshe nga Edi Rama edhe të ketë një vizion tjetër. Lulzim Basha dje nuk tregoi as që do të qeverisë ndryshe nga Rama, as që do të ketë një vizion tjetër dhe as që është një njeri i zoti.

Ai tha vetëm që kishte një endërr që donte te bëhej kryeministër.

Dikur Martin Luther King mbaji një fjali, “I have a dream”, një nga fjalimet në brilante në historinë pas Luftës së Dytë Botërore, ndërsa Lulzim Basha nëqoftëse do të lexohej si i tillë, fjalimi i Lulit ishte “I have a dream, dua të bëhem kryeministër”.

Dje Lulzim Basha nuk tha asgjë në Opinion!/CNA.al

Kush do jetë kandidati i opozitës për kryeministër?/ Basha mburr veten: Padiskutim unë

Fitorja po vjen apo po largohet?/ Basha i shmanget pyetjes: Nuk ka zgjedhje të zakonshme

Në zgjedhje me një apo dy lista?/ Basha: Jemi në fund të rakordimeve