Politikë
Kandidati pa zonë shpall fitoren
Ndodh edhe kështu, të shpallë fitoren dikush që nuk është hiç në garë dhe këtë e dëgjojmë në politikën shqiptare.
I ngelur si një ish-zyrtaruc oborri dje, apo një anëtar i thjeshtë sot, Fatbardh Kadilli ka shpallur fitoren e tij dhe të Lulit në zgjedhjet e ardhshme, megjithëse nuk kandidon askund dhe Lulzim Basha e ka lënë rrugëve, më gishtë në gojë. Kadilli pretendon se është e ardhmja megjithëse vjen nga e shkuara, është njeriu i cili ka qenë këshilltar i kryeministrit Berisha, ka qenë edhe deputet, por nuk ka marrë kurrë përgjegjësi për atë ç’ka bërë qeverisja e djeshme.
Ai ishte e ardhmja në momentin kur PD po largohej nga pushteti dhe u bë sekretar për burimet njerëzore në PD. Pas katër vitesh ai humbi turpshëm bashkë më Lulzim Bashën i cili as nuk e kandidoi në zgjedhjet e 2017 duke e hequr edhe nga Pogradeci ku kishte qene deputet.
E la me gisht në gojë! Kadilli filloi ta akuzonte, ta sulmonte, ta fyente Lulzim Bashën si kurrë më parë por, dëshira për pushtetin e nesërm, sot ka ngjallur të tjera ndjenja. Kadilli, për ta kujtuar Lulin se është gjallë dhe ekziston ka bërë kohët e fundit disa dalje mediatike duke theksuar se ky personalitet i madh i përket të ardhmes e cila do i sjellë edhe fitoren atij dhe Lulit me mbi 65% e shqiptarëve që do ta votojnë masivisht.
Në fakt lind një pyetje? Ku do e votojnë Kadillin?
Sepse as në 2017 nuk e kandiduan. Kadilli ishte deputet në Pogradec, e hoqën nga listat, e deleguan në Lushnjë, në Fier, në Vlorë e së fundmi në Sarandë ku Bujar Leskj i ka “vënë drurin”. Vjen vërdallë si peshku pa ujë e kërkon të kandidojë, do një zonë elektorale, e do të bëhet deputet. Ai e kupton, nuk është aq budalla.
Dalja me lista të përbashkëta ka filluar të ketë probleme. Në qarkun e Korçës s’ka vend, në Fier gjithashtu, në Vlorë është e padiskutueshme, në Gjirokastër nuk shkon, Tirana është plot, në Elbasan nuk e qas kush.
Kadilli po ngelet pa zonë dhe mund të quhet kandidati pa zonë që shpall fitoren.Ku ka fitore me të bukur sesa pa kandiduar, sepse edhe po humbe ti shpall fitoren sepse bëhesh me fituesin siç ka ndodhur dhe ndodh rëndomë me Kadillin dhe farën e tij./CNA.al
Politikë
“Shqiptarët kanë nevojë për të renë në politikë”/ Abazi: Vetëvendosja ka një plan të madh
Boiken Abazi dhe Iljaz Shehu për Lezhën janë për momentin kandidatët e vetëm në debutin e Vetëvendosjes në zgjedhjet politike shqiptare.
Kandidati për Tiranën e VV, Boiken Abazi shprehet se shqiptarët duan një frymë të re në politikë, duke shtuar se kandidatët në partinë ku ai bën pjesë do të shtohen gjatë rrugës.
“Jemi në momentin e grumbullimit të nënshkrimeve për dy kandidaturat. Ne e quajmë veten si lëvizje, por ky është një hap në kuadër të një plani më të madh, që nuk ka nisur prej nesh, por me Rilindjen kombëtare, dhe ne jemi duke e aktualizuar sipas nevojave të shqiptarëve në shekullin XXI. Ftesa mbetet e hapur për 7 mars, dhe ftojmë të gjithë ata që kanë dëshirë, të duken. Ne do të japim mbështetje, por nuk përkrahim këdo.
Ne nuk mbështesim ata që nuk duan bashkimin e Shqipërisë me Kosovën, që nuk pajtohen me projektin zhvillimor që ne besojmë për Shqipërinë. Siç thotë dhe kandidati Iljaz Shehu, që na mbështeste qysh kur studionte në Paris, kandidimi ynë është një akt rezistence, nga gjithë ajo që ka ndodhur në këto 30 vjet, akt që i përplaset në fytyrë cinizmit që mbizotëron në segmente të shoqërisë shqiptare, dhe i heq frikën qytetarëve që dëshirojnë të shohin ndryshime rrënjësore, por kanë menduar se kjo është e pamundshme”, tha Abazi./CNA.al
Politikë
“25 prilli është sfidë me vetveten”/ Manja tregon synimin e vetëm të PS
Kryetari i Komisionit të Ligjeve, Ulsi Manja, u shpreh i bindur në fitoren e Partisë Socialiste në zgjedhjet e 25 prillit, duke shtuar se mazhoranca synon 74 mandate duke mbajtur nivelin e vitit 2017.
“Ne diskutojmë cilësinë e fitores së PS në 25 prill për të qeverisur e çuar në fund reformat tona, objektivi ynë është të mbajmë 74 mandate, por që PS është mazhorancë, këtë nuk e diskuton asnjë seli e opozitës. Duam të marrim mandatet e 2017-s”, tha ai.
Besimin në fitoren e zgjedhjeve, Manja e bazon me reformat e ndërmarra nga qeveria, por edhe nga fakti që, sipas tij, nuk ka asnjë kundërshtar dhe alternativë përballë. Duke e konsideruar sfidë me vetveten ai thotë se në mandatin e tretë Shqipëria do të hyjë në rrugën e integrimit.
“Ne do ta marrim mandatin e tretë. Ne nuk kemi kundërshtar përballë, por unë besoj që mandati i tretë është sfidë me vetveten dhe është fryt i punëve të mira që kemi bërë dhe do përfundojmë ato punë që kemi nisur dhe janë të hapura dhe ky është mandati ynë i tretë dhe nga pikëpamja e reformës në drejtësi dhe zhvillimit ekonomik. Në mandatin e tretë, Shqipëria do hyjë në rrugën e integrimit, unë nuk kam sfidë me kundërshtarin, por me vetveten.
Të qasemi te qytetari me gjuhë të thjeshtë se çfarë kemi bërë mirë dhe çfarë nuk kemi bërë mirë. Nuk ka alternativë. Një opozitë me vizion e vendos edhe mazhorancën në pozitë të fortë elektorale, ne sfidën e kemi me vetveten. PD me përjashtim të zgjedhjeve të 92 ka qeverisur falë manovrave politike e elektorale për shkak të problemeve që kishte e majta”, u shpreh Manja.
Një tjetër sukses me të cilin synon mandatin e tretë, PS konsideron menaxhimin e pandemisë. Dhe, sipas Manjas, do të ishte absurde nëse nuk i njihet merita qeverisë.
Sa i takon dekriminalizimit, Manja shprehet se thelbi i tij është deklarimi vullnetari i çdo kandidati, por PS nuk do të bëhet mburojë për asnjë./CNA.al
Politikë
PD nxjerr denoncimin e mësuesit/ Nuk po paguhen për orët shtesë
Ish-deputeti i PD-së, Luçiano Boçi ka publikuar denoncimin e një mësuesi në qarkun e Elbasanit, i cili shprehet se mësuesit në Peqin nuk e marrin pagesën e orëve shtesë.
Përmes një postimi në rrjetin social, Boçi shprehet se diskriminimi i qeverisë ndaj mësuesëve është i pandalshëm, duke shtuar se në arsim po mbizotëron kaosi, pasiguria dhe pandemia.
“Pas mashtrimit me rritjen e pagave, mësuesit nuk marrin as orët shtesë
Diskriminimi dhe përçmimi i mësuesve nga Rama është i pandalshëm.
Pas mashtrimit për rritjen e pagës, Rama refuzon t’u paguajë atyre orët shtesë.
Denoncimi i ardhur nga Peqini nuk është i vetmi.
Mësuesit nuk marrin prej kohësh atë që u takon.
Ndërkohë në arsim kudo mbretëron kaosi, pasiguria dhe pandemia!
Dita e gjykimit po afron”, shkruan Boçi./CNA.al
Lajme të Rekomanduara:
Tjetër skandal nga Ervin Salianji/ Kapet në mashtrim
Ditën e djeshme, gjatë prezantimit të Edmond Spahos si drejtues qarku në Korçë, janë dy detaje që bien në sy nga fjala e Ervin Salianjit,...
Televizioni i Ilir Metës: LSI është rrudhur
Sot në mbrëmje në televizionin e Ylli Ndroqit apo Xhemail Pasmaçiut, pasuria e të cilit është sekuestruar pas akuzave për trafik ndërkombëtar të drogës, janë...
