web counter
LEXO PA REKLAMA!

SHKARKO APP

App Store
Google Play

E fundit!

x

E BUJSHME/ Kukësi në kontakte me mbrojtësin e Kombëtares

10 Janar 2021, 09:51, Sport CNA

Merkato e janarit shihet si ?shpëtimi? për skuadrën e Kukësit, që gjendet në një krizë të mirëfilltë loje e rezultatesh. Ekipi verilindor është shumë larg pretendimeve që ka për sezonin dhe nuk është aspak çudi që do të bëjë ndërhyrje në merkato që të bëjnë diferencën e të kthejnë pak ekulibrat në skuadër për të tentuar që të ndryshojnë gjendjen.

Një nga repartet më të kritikuar dhe më problematikë që duhet rregulluar është mbrojtja ku për momentin po u besohet shumë enrave të rinj apo me pak eksperiencë në nivelet e larta. Skuadra ka pësuar 10 gola në 3 ndeshjet e fundit dhe kjo u ka mjaftuar drejtuesve të klubit që të nisin menjëherë kërkimin për elementë të cilësisë së lartë për të rreshtuar në prapaivjë. Një nga emrat më të përfolur në klub është ai i Herdi Prengës, ish-kapitenit të përfaqësueses Shpresa dhe element i cili në të kaluarën a luajtur edhe në radhët e përfaqësueses shqiptare A.

Prenga aktivizohet në Letoni me FC Riga, që po dominon kampionatin në këtë vend. Por verilindorët shpresojnë që ta bindin që të vijë e të bëhet pjesë e projektit të tyre, duke i dorëzuar ?çelësat? e prapavijës e shpresuar që 26-vjeçari të dijë të rregullojë një nga repartet më problematike të kësaj skuadre.

Mbetet të mësohet në ditët në vijim se si do të rrjedhin ngjarjet me Prengën, por ai nuk pritet të jetë lëvizja e vetme e Kukësit. Skuadra pritet të përforcohet në çdo repart, por po kërkohen vetëm lojtarë që mund të bëjnë diferencën.





Lajmet e fundit nga