E fundit!

19:19 Kosova & Bota

I nxehti ekstrem në Greqi/ Qeveria urdhëron pezullim të detyrueshëm të punës për 4 orë në disa sektorë

Greqia ka ndërmarrë disa masa emergjente për mbrojtjen e p...

E pastrehë dhe me kredi/ Gjyqtarja e Kokëdhimës në Këshillin Gjyqësor

9 Janar 2021, 11:51, Vetingu CNA

Gjyqtarja Esmerilda Habili, ushtron detyrën e gjyqtares pranë Gjykatës së Shkallës së Parë, Vlorë që prej datës 23.06.2016.

Këshilli i Lartë Gjyqësor e ka përzgjedhur gjyqtaren Habili për ta pasur në stafin e tij si nëpunëse përgjegjëse për vlerësimin professional të gjyqtarëve.

Gjyqtarja Habili, në fund të vitit që lamë pas, është futur në rrethin e Vettingut. Gjyqtarja Esmerilda Habili ka pasur në duar çështjen e masakrës së Selenicës, ku mbetën të vrarë tetë persona.

Bëhet fjalë për ngjarjen e 10 gushtit 2018, ku 24 vjeçari Ritvan Zykaj, ekzekutoi tetë persona me gjakftohtësi. Një rast tjetër që ka pasur në duar gjyqtarja Habili dhe që ka zënë vend deri tek debatet politike, ka qenë ngjarja e viti 2019, ku Mihal Kokëdhima dhunoi një grup turistësh spanjollë.

Kujtojmë se gjyqtarja Habili, e la në burg 51-vjeçarin Kokëdhima, gjatë gjithë kohës që po kryheshin hetimet, pasi akuzohej për ?kanosje?, ?dëmtime të tjera me dashje? dhe ?shkatërrim të pronës?.

Sa i përket pasurisë, gjyqtarja Habili, të vetmin burim të ardhurash ka pagën. Sipas të dhënave të ILDKPKI-së, ajo nuk ka as shtëpi dhe as ndonjë lloj pasurie tjetër.

Viti 2014 (Deklarata fillestare)
Llogari bankare nga shpërblimi i Shkollës së Magjistraturës, 674 03 lekë.
Shpërblim si kandidate për Shkollën e Magjistraturës, 472 500 lekë.
Viti 2014 (Deklarata vjetore)
Llogari bankare me vlerë, 444 06 lekë.
Të ardhura të subjektit deklarues si stazhiere në Gjykatën e Tiranës, 87 457 lekë.

Viti 2015
Llogari bankare me vlerë, 119 49 lekë.
Të ardhura të subjektit deklarues në pritje të emërimit në Gjykatën e Tiranës, 998 006 lekë.
Tërhequr overdrafti 9 555 94 lekë.
Tërhequr overdrafti 164 964 17 lekë.

Viti 2016
Llogari bankare me vlerë, 215 09 lekë.
Të ardhura të subjektit deklarues nga Gjykata e Tiranës, 466 953 lekë.
Të ardhura të subjektit deklarues nga Gjykatën e Vlorës, 463 041 lekë.

Viti 2017
Llogari bankare me vlerë, 64 849 91 lekë.
Të ardhura të subjektit deklarues nga Gjykata e Vlorës, 1 098 322 62 lekë.
Të ardhura të subjektit deklarues si pedagoge e jashtme, pranë një Kolegji privat në Vlorë, 120 360 lekë.

Viti 2018
Llogari bankare me vlerë, 857 54 lekë.
Të ardhura të subjektit deklarues nga Gjykata e Vlorës, 1 145 141 lekë.
Dieta dhe trajnimi nga GIZ, në Mal të Zi, 22 315 40 lekë./CNA.al