web counter
LEXO PA REKLAMA!

SHKARKO APP

E fundit!

x

Ndryshimet në qeveri/ Meta: Duhet zhdekretuar Rama

29 Dhjetor 2020, 21:21, Politikë CNA

Presidenti Ilir Meta ka reaguar mbrëmjen e sotme për dorëheqjen e ministrit të Jashtëm Gent Cakaj dhe për ndryshimet në qeveri.

Meta tha se në këtë rast kemi të bëjmë vetëm me largimin e një zëvendës ministri dhe jo të një ministri.

Përsa i përket emërimit të Olta Xhaçkës si ministre e Punëve të Jashtme, Kreu i Shtetit deklaroi në Ora News se duhet zhdekretuar si fillim Edi Rama.

?Për rastin konkret, kemi të bëjmë me një zv.ministër, i cili ka dhënë dorëheqjen dhe nuk ka lidhje me ministren e jashtme në rastin konkret. Duhet të vijë kërkesa për zhdekretimin e ministrit të jashtëm Edi Rama, i cili është ministër i jashtëm dhe emërimi i ministres së re është i lidhur me zhdekretimin e tij si ministër i jashtëm. Nuk ka lidhje me detyrën e zv.ministrit. Ai është një akt vullnetar”, u shpreh presidenti, i cili tregoi se ende nuk ka marrë asnjë propozim.

Kujtojmë se Gent Cakaj u emërua si zëvendës ministër i Jashtëm, ndërsa në postin e ministrit të Jashtëm u emërua kryeministri Edi Rama, i cili më pas ia delegoi kompetencat e postit të tij Cakajt./ CNA.al





Lajmet e fundit nga